თბილისის საქალაქო სასამართლოში ერთი პირი დააკავეს

თბილისის საქალაქო სასამართლოს მანდატურის სამსახურის თანამშრომლებმა სასამართლოს შენობაში წესრიგის დამრღვევი პირი ბესიკ ბარბაქაძე დააკავეს. 

ამის სესახებ "გურია ნიუსს" თბილისის საქალაქო სასამართლოს პრესსამსახურიდან აცნობეს. 

მათი ინფორმაციით, თბილისის საქალაქო სასამართლოს თავმჯდომარე მამუკა ახვლედიანმა ზეპირი მოსმენის გარეშე განიხილა საქალაქო სასამართლოს მანდატურის სამსახურის თანამშრომლების მოხსენებითი ბარათები და სასამართლოში  წესრიგის დარღვევისათვის მოქალაქე ბესიკ ბარბაქაძეს დააკისრა ჯარიმა 200 ლარის ოდენობით.

აღნიშნული განკარგულება შეიძლება გასაჩივრდეს მისი ჩაბარებიდან 48 საათში, თბილისის სააპელაციო სასამართლოს თავმჯდომარესთან თბილისის საქალაქო სასამართლოს მეშვეობით.