ოზურგეთის მუნიციპალიტეტის მიერ დაფუძ¬ნებულ ა(ა)იპ ქალაქ ოზურგეთის მუნიციპალიტეტის ცენტრალური სტა¬დიონის ყოფილი დირექტორი, სასამართლოს მიერ სამსახურში ორჯერ აღდგენილი და ქალაქ ოზურგეთის მერის ბეგლარ სიორიძის მიერ განთავისუფლებული, მურთაზ აბაშიძე, ოფიციალურ განცხადებას აკეთებს და აღნიშნავს, რომ ის ოზურგეთის რაიონულ პროკურატურას, მერის, ბეგლარ სიორიძის მიმართ სისხლის სამართლის საქმის აღძვრის მოთხოვნით, ორშაბათს მიმართავს, ვინაიდან "მერის მხრიდან ჩემს მიმართ განხორციელებული ქმედებები, აშკარად ატარებს სისხლის სამართლის დანაშაულის ნიშნებს".
"ვმუშაობდი ოზურგეთის მუნიციპალიტეტის ა(ა)იპ ქალაქ ოზურგეთის მუნიციპალიტეტის ცენტრალური სტა¬დიონის (ს/კ 237113039) დირექტორად. სამსახურიდან განთავისუფ¬ლების შესახებ ინფორმაცია მივიღე პრესის საშუალებით 25.08.2014 წელს. მივმართე ოზურგეთის მერიას და დავადგინე, რომ თანამდებობიდან განთავისუფლებული ვიყავი ოზურ¬გეთის მერის 18.08.2014 წლის #84 ბრძანებით. მაგრამ გთხოვთ გაითვალისწინოთ, რომ 18 აგვისტოდან 25 აგვისტოს ჩათვლით ისე ვასრულებდი სტადიონის დირექ¬ტორის უფლებამოსილებას ვინაიდან ჩემი განთავისუფლების შესახებ არანაირი ინფორმაცია არ გამაჩნდა და განთავისუფლების შესახებ ბრძანება გადმო¬მეცა მხოლოდ ჩემი მოთხოვნის შემდეგ.
ბრძანებაში რომლითაც ვიყავი განთავისუფლებული აღნიშნულია, რომ იგი გამოცემულია თოჯინებისა და მოზარდ მაყურებელთა თეატრის წესდების საფუძველზე, მაგრამ მასში საერთოდ არაა მითითებული რატომ ან რა საფუძვლით მოხდა ჩემი განთავისუფლება. ვინაიდან ბრძანება აშკარად უკანონო იყო იგი გავასაჩივრე ოზურგეთის სასა¬მართლოში, რომელმაც თავისი 30.10.2014 წლის გადაწყვეტილებით ჩემი მოთხოვნა სამსახურში აღდგენისა და სახელფასო განაცდურის დაკისრების თაობაზე დააკმაყოფილა.
სასამართლოს მიერ ჩემი გამართლების შემდეგ 08.12.2014 წელს დამიკავშირდა ოზურგეთის მერიის კადრების განყოფი¬ლების თანამშრომელი, რომელმაც მთხოვა მერიაში მისვლა. მისვლის შემდეგ მერიის თანამშრომელმა მზია გაგუამ გადმომცა ოზურგეთის მერის 01.12.2014 წლის #301 ბრძანება, რომლის მიხედვითაც მე აღდგენილი ვიყავი სამსახურში. ამ ბრძანების გაცნობის შემდეგ ვაპირებდი უკვე წავსულიყავი სამუშაოდ სტადიონზე, მაგრამ უკან მომაბრუნეს და ახლა უკვე მეორე ბრძანება გადმომცეს და მითხრეს რომ უკვე განთავისუფლებული ვიყავი მერის 02.12.2014 წლის #306 ბრძანებით. ამ ფაქტმა გაოგნებული დამტოვა, რადგანაც ასეთი რამეს არც შევსწრებივარ და არც გაგონილი მქონდა, იქვე მდგომმა ვიღაც ქალმა ირონიულად დამშვიდება დამიწყო – არ ინერვიულოთ ბატონო მურთაზო, ღიმილით მითხრა, კინაღამ მწყობრიდან გამომიყვანა ასეთმა ცინიკურმა დამოკიდებულებამ, მერე გავარკვიე ეს ქალი მერის თანაშემწე ჟურნალისტი ყოფილა.
ვინაიდან ოზურგეთის მერის ბრძანება მივიჩნიე უსამართლოდ და დამამცირებლად კვლავ მივმართე ოზურგეთის რაიონულ სასამართლოს სარჩელით, რომელიც დაკმაყოფილდა ამავე სასამართლოს 18.02.2015 წლის გადაწყვეტილებით, კვლავ აღდგენილი ვარ სამსახურში და დაკისრებული აქვთ სახელფასო განაცდური.
ჩემსა და ოზურგეთის მერის ურთიერთობასთან დაკავშირებით მოგახსენებთ, რომ საარჩევნო კამპანიის მიმდინარეობისას ოზურგეთის მაშინ ჯერ კიდევ მერობის კანდიდატმა ბეგლარ სიორიძემ, როგორც მუნიციპალიტეტის მიერ დაფუძნებული ა(ა)იპ-ის ხელმძღვანელს მომთხოვა საარჩევნო კამპანიაში აქტიური ჩართვა და მისი საარჩევნო შტაბის მითითებების შესრულება, რაც ძირითადად გამოიხატებოდა თანამშრომლებისა და მათი ოჯახის წევრებისათვის, ახლონა თესავე¬ბისათვის სიორიძისათვის ხმის მიცემის დავალდებულებაში.
ვარ ომის ვეტერანი ვმონაწილეობდი საქართველოს ტერიტორიული მთლიანობი¬სათვის ბრძოლებში, ასევე ვარ ვეტერანი ფეხბურთელი. შესაბამისად აქტიურად ვმონაწილეობ როგორც ომის ისე ფეხბურთის ვეტერანთა საზოგადოებრივ აქტივობებში, სიორიძის ინტერესს ასევე წარმოადგენდა ხსენებულ საზოგადოებრივ გაერთიანებში გაწევრიანებული ამომრჩევლების და მათი ოჯახების ხმებიც, შესაბამისად მომთხოვეს ჩემი მხრიდან მათთან შეხვედრების ორგანიზება და მათთვის აგიტაციის გაწევა. ყველაფერ ამაზე უარი განვუცხადე, რადგანაც მიმაჩნდა, რომ ეს იქნებოდა კანონდარღვევა, ამასთანავე ჩემთვის, როგორც მოქალაქისათვის და ამომრჩევლისათვის არ იყო მისაღები მისი მერად არჩევა.
ოზურგეთის მერი თავისი უფლებამოსილების განხორციელებას შეუდგა 2014 წლის აგვისტოში, მის მიერ ჩემი განთავისუფლების ბრძანება გამოიცა რამდენიმე დღეში 18.08.2014 წელს. განთავისუფლებამდე ჩემთვის ცნობილი გახდა, რომ ბეგლარ სიორიძე ეძებდა ყველანაირ სახის ინფორმაციას რაც შეიძლება გამხდარიყო ჩემი განთავისუფლების საფუძველი.
სიორიძის მიერ ჩემი განთავისუფლების შემდეგ პრესის საშუალებით გაკეთდა რამდენიმე განცხადება (შიდაუდიტის დასკვნის გაკეთებამდე) სადაც იგი ყოველგვარი დასაბუთების გარეშე ბრალს მდებდა სხვადასხვა სახის დარღვევებში, რომელიც შემდგომში აღმოაჩინა მისივე დაქვემდებარებაში არსებულმა მერიის შიდაუდიტის სამსახურმა.
მაგალითად გაზეთ "გურია ნიუსის" ვებგვერდზე 26.08.2014 წელს გამოქვეყნდა ჟურნალისტ ჟანა მეგრელიშვილის წერილი, რომელშიც მოყვანილია ოზურგეთის მერის ბეგლარ სიორიძის შემდეგი განცხადება:
"მურთაზ აბაშიძეს სახლში შტაბის გახსნას ერჩივნა სტადიონისთვის მიეხედა, გაპარტახებული და გაუბედურებულია იქაურობა. მაგის საქმი¬ანობას თავიდან ბოლომდე შევისწავლით.
"ქართული ოცნება" და "ნაციონალები" არაფერ შუაში არაა სტადიონთან, მურთაზ აბაშიძეს უნდა მიეხედა სტადიონისთვის, მაგ თემას ჩვენ აუცილებლად დავუბრუნდებით და შევისწავლით ძირფესვიანად, თუ რა ხდებოდა სტადიონზე მისი საქმიანობის დროს. 100 პროცენტი ა.იპ. დამფუძნებელი გახლავთ ქალაქის მუნიციპალიტეტის მერია, აქედან გამომდინარე მე ჩავთვალე, რომ მურთაზ აბაშიძე ვერ ართმევდა თავს, დაკისრებულ მოვალეობას და იმ საქმიანობას, ამიტომ გადავწყვიტე მისი განთავისუფლება. მე მაქვს ყველანაირი პირობა იმისი, რომ ჩემი შეხე¬დულებებისამებრ შევცვალო და დავნიშნო ნებისმიერი ა.ი.პ ხელმ¬ძღვანელი, ამაში გაუგებარი არაფერი არ არის. რა ვერ გაიგო ბატონმა მურთაზმა არ ვიცი" (ციტატის დასასრული).
სასამართლოში დავის მიმდინარეობისას ა(ა)იპ ოზურგეთის მუნი¬ციპა¬ლური სტადიონის თანამშრომლებთან შეხვედრაში ოზურგეთის მერმა განაცხადა, რომ მურთაზ აბაშიძე ვერასდროს ვერ დაბრუნდებოდა სტა¬დიონზე და ვერცერთ თანამდებობას მისთვის მიუღებელი პირები ვერ დაიკავებდნენ.
ფაქტია, რომ მოცემულ შემთხვევაში მერი იმუქრებოდა თავისი ძალაუფლების გამოყე¬ნებით აღნიშნავს რა, რომ ის აპირებს შემდგომში ანუ განთა¬ვისუფლების შემდეგ შეესწავლოს ჩემი საქმიანობა. მაგრამ აქვე აღნიშნავს, რომ სტადიონი გაპარტახებული იყო და, რომ აბაშიძე საფუძვლიანად გაანთავისუფლა.
ზემოხსენებულიდან გამომდინარე აშკარაა რომ მე განვიცდი დევნასა და დისკრიმინაციას საჯარო ხელისუფლების პოლიტიკური თანამდებობის პირისაგან ჩემი პოლიტიკური და საარჩევნო მრწამსის გამო, შესაბამისად მიმაჩნია, რომ მერის მოქმედებები აშკარად ატარებს სისხლის სამართლის დანაშაულის ნიშნებს და გთხოვთ აღძრათ სისხლის სამართლის საქმე და განახორციელოთ სისხლის სამართლის საპროცესო კანონმდებლობით გათვალისწინებული ყველა საჭირო მოქმედება. ჩემის მხრივ მოგახსენებთ, რომ ვითანამშრომლებ გამოძიებასთან და გამოძიების ინტერესებიდან გამომდინარე მოგაწვდით ყველა საჭირო ინფორმაციასა და დოკუმენტს საქმესთან დაკავშირებით."
აღნიშნულთან დაკავშირებით ქალაქ ოზურგეთის მუნიციპალიტეტის მერიის პოზიციას ხვალ, ორშაბათს შემოგთავაზებთ.
