გამოკითხვა _ იცნობთ თუ არა საარჩევნო კოდექსს და რას შეცვლიდით მასში?

ვერა ჭკადუა:

_ არაფერი არ ვიცი.

ოლეგ გობრონიძე:

_ რაღაცა რომ შესაცვლელია, ამას პარლამენტის უმრავლესობაც და უმცირესობაც ადასტურებს.

დავით ლესელიძე:

_ შესაცვლელია, დეპუტატები ხალხს უნდა ხვდებოდნენ, ხალხის აზრი უნდა გაიზიარონ.

გია ჩხეიძე:

_ მთლიანად არ ვიცნობ და თან  მე ვერაფერს ვერ შევცვლიდი.

ვაჟა ლომინაძე:

_ არ ვიცნობ, არც იგი მთავრობა მომწონდა არც აგი მომწონს, გაჭირვებული ხალხისთვის არცერთი არ არის.

ნოშრევან ოსეფაიშვილი:

_ არა, არ ვიცნობ.

ზურაბ სიხარულიძე:

_ კარგად არ ვიცნობ, მხოლოდ პროცედურები ვიცი. აუცილებელია ოთხი პრინციპის დაცვა _ უნდა იყოს საყოველთაო, პირდაპირი, ფარული და თანასწორი.

ზვიად აფხაზავა:

_ ვიცნობ და მიმაჩნია, რომ გარკვეული მუხლები და რეგულაციები დასახვეწია.

ესე სარჯველაძე:

_ სამწუხაროდ არ ვიცნობ და ვერაფერს გეტყვით.

გივი მენაღარიშვილი:

_ ნაწილობრივ ვიცნობ და მიმაჩნია მასში ცვლილებების შეტანა გააუმჯობესებს საარჩევნო გარემოს.

ზაზა ქავზინაძე:

_ რა თქმა უნდა, ვიცნობ და ძალიან კარგადაც. ვთვლი, რომ მასში ძალიან ბევრი რამაა შესაცვლელი. დღევანდელმა რეალობამ აჩვენა, რომ რეალურად ოპოზიციას კომისიებში ორი ხმა აქვს, როცა წინა ხელისუფლების დროს ექვსი ხმა ჰქონდა.