ახალი მთავრობისთვის ნდობის გამოცხადება, მოქმედი ხელისუფლების პირობებში სულ 2-ჯერ მოხდა. ეს იყო 2012 წელს, როცა მმართველი გუნდი შეიცვალა და 2014 წლის ივლისში, როცა მთავრობა განახლდა. მიმდინარე წელს კი, საქართველოს საკანონმდებლო ორგანოს კიდევ ერთხელ მოუწევს მთავრობისთვის ნდობის გამოცხადება, ვინაიდან მოქმედი მთავრობის თავდაპირველი შემადგენლობიდან 7 მინისტრი შეიცვალა.
შეგახსენებთ, რომ პრემიერ-მინისტრმა 21 ივლისს 7 მინისტრი თანამდებობიდან გაათავისუფლა, აქედან ორს სხვა უწყება ჩააბარა.
ვინაიდან, მინისტრთა კაბინეტის 1/3-ს ცვლილება მოხდა, კანონმდებლობის თანახმად, საჭირო გახდა მთავრობის ახალი შემადგენლობისთვის პარლამენტის მიერ ნდობის ხელახალი გამოცხადება. შესაბამისად, პრემიერ-მინისტრმა ირაკლი ღარიბაშვილმა მინისტრობის კანდიდატების სია საქართველოს პრეზიდენტს გადაუგზავნა, პრეზიდენტმა კი, თავის მხრივ, პარლამენტს საქართველოს კონსტიტუციის 81 მუხლის შესაბამისად, მთავრობის შემადგენლობა წარუდგინა.
რაც შეეხება მთავრობის ახალ შემადგენლობას, ის ასე გამოიყურებოდა – საქართველოს პრემიერ–მინისტრი ირაკლი ღარიბაშვილია; საქართველოს განათლებისა და მეცნიერების მინისტრი თამარ სანიკიძე; საქართველოს გარემოსა და ბუნებრივი რესურსების დაცვის მინისტრი ელგუჯა ხოკრიშვილი; საქართველოს ეკონომიკისა და მდგრადი განვითარების მინისტრი გიორგი კვირიკაშვილი; საქართველოს ენერგეტიკის მინისტრი კახა კალაძე; საქართველოს თავდაცვის მინისტრი ირაკლი ალასანია; საქართველოს იუსტიციის მინისტრი თეა წულუკიანი; საქართველოს კულტურისა და ძეგლთა დაცვის მინისტრი მიხეილ გიორგაძე; საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი; საქართველოს რეგიონული განვითარებისა და ინფრასტრუქტურის მინისტრი დავით შავლიაშვილი; საქართველოს საგარეო საქმეთა მინისტრი მაია ფანჯიკიძე; საქართველოს სასჯელაღსრულებისა და პრობაციის მინისტრი გიორგი მღებრიშვილი; საქართველოს სოფლის მეურნეობის მინისტრი ოთარ დანელია; საქართველოს სპორტისა და ახალგაზრდობის საქმეთა მინისტრი ლევან ყიფიანი; საქართველოს ფინანსთა მინისტრი ნოდარ ხადური; საქართველოს შინაგან საქმეთა მინისტრი ალექსანდრე ჭიკაიძე; საქართველოს შრომის, ჯანმრთელობისა და სოციალური დაცვის მინისტრი დავით სერგეენკო; საქართველოს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი; საქართველოს სახელმწიფო მინისტრი შერიგებისა და სამოქალაქო თანასწორობის საკითხებში პაატა ზაქარეიშვილი; საქართველოს სახელმწიფო მინისტრი დიასპორის საკითხებში გელა დუმბაძე.
უფრო ადრე კი, პარლამენტს მთავრობისთვის ნდობის გამოცხადება დასჭირდა 2007 წლის საშემოდგომო სეისაზე, როცა მინისტრთა კაბინეტი შემდეგნაირად დაკომპლექტდა:
პრემიერ-მინისტრი – ზურაბ ნოღაიდელი, განათლებისა და მეცნიერების მინისტრი – ალექსანდრე ლომაია; გარემოს დაცვისა და ბუნებრივი რესურსების მინისტრი – დავით ჩანტლაძე; ეკონომიკური განვითარების მინისტრი – გიორგი არველაძე; ენერგეტიკის მინისტრი – ალექსანდრე ხეთაგური; თავდაცვის მინისტრი – დავით კეზერაშვილი; იუსტიციის მინისტრი – ეკა ტყეშელაშვილი; კულტურის, ძეგლთა დაცვისა და სპორტის მინისტრი – გიორგი გაბაშვილი; ლტოლვილთა და განსახლების მინისტრი – გიორგი ხევიაშვილი; საგარეო საქმეთა მინისტრი – გელა ბეჟუაშვილი; სოფლის მეურნეობის მინისტრი – პეტრე ცისკარიშვილი; ფინანსთა მინისტრი – ნიკა გილაური; შინაგან საქმეთა მინისტრი – ივანე მერაბიშვილი; შრომის, ჯანმრთელობისა და სოციალური დაცვის მინისტრი – დავით ტყეშელაშვილი; სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში – გიორგი ბარამიძე; სახელმწიფო მინისტრი რეფორმების კოორდინაციის საკითხებში – კახა ბენდუქიძე; სახელმწიფო მინისტრი სამოქალაქო ინტეგრაციის საკითხებში – ზინაიდა ბესტაევა; სახელმწიფო მინისტრი კონფლიქტების მოგვარების საკითხებში – დავით ბაქრაძე.
ამავე წლის 22 ნოემბერს საქართველოს პარლამენტმა კენჭი უყარა და 155 ხმით ერთხმად საქართველოს მთავრობის განახლებული შემადგენლობა და მისი სამოქმედო პროგრამა დაამტკიცა.
მინისტრთა კაბინეტი შემდეგნაირად დაკომპლექტდა: პრემიერ-მინისტრი – ვლადიმერ გურგენიძე, განათლებისა და მეცნიერების მინისტრი – მაია მიმინოშვილი; გარემოს დაცვისა და ბუნებრივი რესურსების მინისტრი – დავით ჩანტლაძე; ეკონომიკური განვითარების მინისტრი – გიორგი არველაძე; ენერგეტიკის მინისტრი – ალექსანდრე ხეთაგური; თავდაცვის მინისტრი – დავით კეზერაშვილი; იუსტიციის მინისტრი – ეკა ტყეშელაშვილი; კულტურის, ძეგლთა დაცვისა და სპორტის მინისტრი – გიორგი გაბაშვილი; ლტოლვილთა და განსახლების მინისტრი – კობა სუბელიანი; საგარეო საქმეთა მინისტრი – გელა ბეჟუაშვილი; სოფლის მეურნეობის მინისტრი – პეტრე ცისკარიშვილი;
ფინანსთა მინისტრი – ნიკა გილაური; შინაგან საქმეთა მინისტრი – ივანე მერაბიშვილი; ჯანმრთელობისა და სოციალური დაცვის მინისტრი – დავით ტყეშელაშვილი; სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში – გიორგი ბარამიძე; სახელმწიფო მინისტრი რეფორმების კოორდინაციის საკითხებში – კახა ბენდუქიძე; სახელმწიფო მინისტრი სამოქალაქო ინტეგრაციის საკითხებში – ზინაიდა ბესტაევა; სახელმწიფო მინისტრი კონფლიქტების მოგვარების საკითხებში – დავით ბაქრაძე.
2008 წლის 31 იანვრის პარლამენტის რიგგარეშე სესიაზე საქართველოს პრეზიდენტის საპარლამენტო მდივნის მოადგილემ ზურაბ დეკანოიძემ პარლამენტის წევრებს მინისტრთა კაბინეტის ახალი შემადგენლობა წარუდგინა.
მინისტრთა კაბინეტი შემდეგნაირად დაკომპლექტდა: საქართველოს პრემიერ-მინისტრი – ვლადიმერ გურგენიძე; რეგიონული მართვის საკითხებში სახელმწიფო მინისტრი – დავით ტყეშელაშვილი; სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში – გიორგი ბარამიძე; სახელმწიფო მინისტრი დიასპორის საკითხებში – იულონ გაგოშიძე; სახელმწიფო მინისტრი რეინტეგრაციის საკითხებში – თემურ იაკობაშვილი; განათლებისა და მეცნიერების მინისტრი – გიორგი ნოდია; გარემოს დაცვისა და ბუნებრივი რესურსების მინისტრი – ზაალ გამცემლიძე; ეკონომიკური განვითარების მინისტრი – ეკატერინე შარაშიძე; ენერგეტიკის მინისტრი – ალექსანდრე ხეთაგური; თავდაცვის მინისტრი – დავით კეზერაშვილი; იუსტიციის მინისტრი – ნიკა გვარამია; კულტურის, ძეგლთა დაცვისა და სპორტის მინისტრი – ნიკოლოზ ვაჩეიშვილი; ლტოლვილთა და განსახლების მინისტრი – კობა სუბელიანი;
საგარეო საქმეთა მინისტრი – დავით ბაქრაძე; სოფლის მეურნეობის მინისტრი – პეტრე ცისკარიშვილი; ფინანსთა მინისტრი – ნიკა გილაური; შინაგან საქმეთა მინისტრი – ივანე მერაბიშვილი; შრომის, ჯანმრთელობისა და სოციალური დაცვის მინისტრი – ალექსანდრე კვიტაშვილი.
