საპარლამენტო უმცირესობის დეპუტატ დავით ბაქრაძეს, ბოლო ქონებრივი დეკლარაცია გასული წლის 3 ივნისს აქვს შევსებული.
დეკლარაციის თანახმად, თბილისში, 213.00 კვ.მ ფართობის საცხოვრებელ ბინასა და 28.00 კვ.მ ფართობის ავტოფარეხს ფლობს. სხვა სახის უძრავ-მოძრავი ქონება, ბაქრაძის მფლობელობაში არაა.
რაც შეეხება საბანკო ანგარიშებს, პარლამენტარს "თიბისი ბანკის" სახელფასო ანგარიშზე 52.00 ლარი ერიცხება, ამავე ბანკის ანაბარზე კი 51 760.00 დოლარი აქვს. 784 ლარი აქვს "საქართველოს ბანკის" საკრედიტო ანგარიშზე.
ნაღდი ფულის სახით ის 15 000.00 ლარსა და 10 000.00 დოლარს ფლობს.
დეპუტატის საბანკო ვალდებულებები ასე გამოიყურება – "თიბისი ბანკში" მას სახელფასო კრედიტის სახით 12 000.00 ლარი აქვს, ამავე ოდენობის თანხა აქვს "საქართველოს ბანკიდან" კრედიტის სახით გამოტანილი, სადაც გასავალმა 784.00 ლარი შეადგინა.
რაც შეეხება შემოსავლის გრაფას, დეპუტატს 9 722.00 ლარი აქვს სამივლინებო თანხის სახით მიღებული, საბანკო ანაბრის დივიდენდის სახით კი 1 933.00 დოლარი.
ბაქრაძეს ფიზიკური პირის ქონების გადასახადისთვის 1 887-00 ლარი გადაიხადა, 2 800.00 ლარი შეადგინა მკურნალობისთვის გადახდილმა თანხამ. 15 000 ლარი დაუჯდა დეპუტატს მოგზაურობა.
დეპუტატს სამუშაოს შესრულებით წინა წლის პირველი იანვრიდან 31 დეკემბრის ჩათვლით მიღებული აქვს 84 465.00 ლარი.
რაც ბაქრაძის მეუღლის, მაკა მეტრეველის საბანკო ანგარიშებს, მას "თიბისი ბანკის" მიმდინარე ანგარიშზე 32.00 დოლარი ერიცხება, "პროკრედიტ ბანკის" სახელფასო ანგარიშზე 30.00 ლარი, "ლიბერთი ბანკის" საკრედიტო ანგარიშზე კი 3.00 ლარი.
მას "ჩაჩავას კლინიკაში" დირექტორის თანაშემწის პოზიციაზე მუშაობისთვის, წინა წლის პირველი იანვრიდან 31 დეკემბრის ჩათვლით, მიღებული აქვს 7 450.00 ლარი, ხოლო შპს სინათლის ქალაქში სამეთვალყურეო საბჭოს წევრობისთვის 12 500.00 ლარი.
საბანკო ანგარიშები გახსნილია დავით ბაქრაძის შვილის სახელზეც. მას "თიბისი ბანკის" მიმდინარე ანგარიშზე 230.00 ლარი ერიცხება, ხოლო ამავე ბანკის ანაბარზე, 13 500.00 ლარი. ანაბარი გახსნილი აქვს დეპუტატის მეორე შვილსაც, რომლის ოდენობაც ასევე 13 500.00 ლარს შეადგენს.
