დევონშირული ვაშლის ნამცხვარი

საჭირო მასალა: მომჟავო-მოტკბო ვაშლი _ 500 გრამი; ფქვილი _ 50 გრ; გასაფუებელი ("რაზრიხლიტელი") _ 2 ჩ/კ; სოდა _ ½ ჩ/კ; კვერცხი _ 4 ცალი; დამდნარი კარაქი _ 200 გრ; შაქარი _ 250 გრ; ლიმონის წვენი _ ½ ცალი ლიმონის; ვანილი; მოსაყრელად შაქრის პუდრა, ნუშის ნაჭრები მოსაყრელად.

მომზადება: ვაშლი გავთალოთ, დავჭრათ და მოვასხათ ლიმონის წვენი; ჩავყაროთ ფქვილი, გასაფუებელი ("რაზრიხლიტელი"), სოდა, შაქარი და ვანილი; კვერცხი ავთქვიფოთ და ჩავასხათ ფქვილში, ჩავასხათ კარაქი  და კარგად ავურიოთ. 23-24 სმ დიამეტრის ფორმა გავცხიმოთ და ჩავაფინოთ პერგამენტი.

ჩავდოთ ცომს ნახევარი, მოვალაგოთ ზედ ვაშლები, დავაფაროთ დანარჩენი ცომი. მოვაყაროთ ნუშის ფირფიტები. შევდგათ 180 გრადუს ტემპერატურაზე აირღუმელში. ვაცხოთ 1 საათი, გაოქროსფერებამდე. 20 წუთი გავაცივოთ, გადავაბრუნოთ, მოვაცილოთ ქაღალდი, გადავიტანოთ თეფშზე, მოვაყაროთ შაქრის პუდრა.