კექსი ნიგვზით

მოვამზადოთ გემრიელი კექსი ნიგვზით, ქიშმიშის გარეშე.

საჭირო მასალა: 500 გრამი მაწონი ან 300 გრამი არაჟანი, 200 გრამი კარაქი, 300 გრამი შაქარი, ორი ცალი კვერცხი, ერთი ჩაის კოვზი სოდა, ცოტა მარილი, ორი შეკვრა ვანილი, 200 გრამი გახეხილი ნიგოზი, შაქრის პუდრა, 400 გრამი უმაღლესი ხარისხის პურის ფქვილი.

მომზადების წესი: შაქრით და კვერცხით გავაკეთოთ გოგლიმოგლი. შევურიოთ კარგად დარბილებული და ათქვეფილი  (და არა გამდნარი) კარაქი.  მოვურიოთ კარგად, დავამატოთ მაწონი, რომელშიც წინასწარ ჩაყრით სოდას. კვლავ კარგად ავურევთ და ამჯერად დავამატებთ გახეხილ ნიგოზს, მარილს, ვანილს და ბოლოს ნელ-ნელა შევაზელთ ფქვილს.

მიღებულ  ცომს ვდებთ კექსის პატარა ფორმებში ან სასურველ ფორმებში, ეს თქვენს სურვილზეა დამოკიდებული, ოღონდ, ნებისმიერ ფორმის ჭურჭელში ცომი უნდა იყოს მესამედი რაოდენობით.

გამოვაცხობთ ჰაერღუმელში, 200 გრადუს ტემპერატურაზე, 40-50 წუთის განმავლობაში. როცა გამოცხვება, გაცივების შემდეგ მოაყარეთ შაქრის პუდრა, რაც ძალიან შვენის კექსს, მიუხედავად მრავალნაირი თანამედროვე კულინარული დიზაინით გაფორმებისა. თუმცა, ეს თქვენს სურვილზეა დამოკიდებული.