"გურია ნიუსის" წყაროს ინფორმაციით, ქალაქ ოზურგეთის მერიამ საბილიარდოს გაკეთება გადაიფიქრა, ამის მიზეზად კი ის მძიმე სოციალური ფონი სახედება, რომელიც რეგიონშია.
შეგახსენებთ, რომ საბილიარდოს მოსაწყობად ბიუჯეტიდან 49 000 ლარი იყო გამოყოფილი.
"ბილიარდი ჩვენი ახირება არ გახლავთ, სპორტის ეს სახეობა ახალგაზრდებში დიდი პოპულარობით სარგებლობს, ამიტომ გადავწყვიტეთ ოზურგეთელებისთვის თავშეყრისა და თავისუფალი დროის საინტერესოდ გატარების შესაძლებლობა მიგვეცა. ამ მიზნით გამოვყავით თანხა – 47 735 ლარი ბიუჯეტიდან. საბილიარდო რუსთაველის ქუჩაზე მოეწყობა. ეს ადგილი გამოიყენება როგორც სპორტის ამ სახეობისთვის, ასევე, ახალგაზრდული ღონისძიებების ჩასატარებლად". _აღნიშნული კომენტარი 2015 წლის 28 აპრილს გააკეთა ქალაქ ოზურგეთის მერიამ, ოზურგეთში საბილიარდოს გაკეთებასთან დაკავშირებით.
ოფიციალური ინფორმაციის თანახმად, ქალაქ ოზურგეთის მერიამ საბილიარდოს მოწყობის პროექტის შესადგენად, არქიტექტურულ და მასთან დაკავშირებულ მომსახურებებზე 1 270 ლარიანი ტენდერი 2015 წლის 26 მარტს გამოაცხადა. საბილიარდოს მოწყობა კი 47 735 ლარი დაჯდება, რომელიც ქალაქ ოზურგეთში რუსთაველის ქუჩაზე განთავსდება, სადაც ამჟამად ოზურგეთის მუნიციპალიტეტის გამგეობის სამხედრო აღრიცხვის, მობილიზაციისა და გაწვევის სამსახურია განთავსებული.
ინფორმაციას, იმის შესახებ, რომ საბილიარდო აღარ გაკეთდება არც ქალაქის მერიაში და არც საკრებულოს თავმჯდომარე გელა კობალაძე არ ადასტურებენ.
საკრებულოს თავმჯდომარე გელა კობალაძე აღნიშნავს, რომ ვინაიდან ატყდა აჟიოტაჟი, რომ არ სჭირდება ქალაქ ოზურგეთს საბილიარდო და რატომ უნდა დაიხარჟოს 47 000 ლარი ამაში, ამიტომ გადაწყვიტეს ალტერნატიული ვარიანტის მოძებნა. შესაბამისა, საბილიარდო გარემონტებულ შენობაში მოეწყოს, რომლის წესრიგში მოყვანას შედარებით ნაკლები თანხა დასჭირდება.
"ვიმსჯელებთ და რომელიც უკეთესი ვარიანტი იქნება, იმის მიხედვით ვიმოქმედებთ. ქალაქ ს ნამდვილად სჭირდება ჰქონდეს ბილიარდი, იმიტომ, რომ ძალიან ბევრი ბილიარდის მოთამაშის თხოვნა იყო, გაკეთებულიყო, მით უმეტესად, რომ ბილიარდს ოზურგეთში გააჩნია დიდი ისტორია, ამიტომ იქნა საზოგადოების აზრი გათვალისწინებული, ჯერჯერობით ტენდერი არ გამოცხადებულა, უბრალოდ პროექტის სახით არის გაკეთებული, ჩვენ არ ვართ მობილიზებული იმაზე, რომ გინდა თუ არა ამდენი თანხა დაიხრჯოს, თუ კი ალტენატიული ფართი გამოჩნდება, სადაც ნაკლები თანხა დაჯდება, მე არ ვარ წინააღმდეგი"_აღნიშნავს კობალაძე.
ასე არ ფიქრობენ ოპოზიცონერი დეპუტატები. საკრებულოს დეპუტატი, "დემოკრატიული მოძრაობის" ოზურგეთს რაიონული ორგანიზაციის თავმჯდომარის თამარ ნადირიძის განცხადებით, ხალხის ფულით გაკეთებული საბილიარდო მერის მეგობრებისა და არაფორმალური მხარდამჭერი ჯგუფის ერთგვარი ბაზა გახდება, სადაც მოხდება სხვადასხვა საკითხების გადაწყვეტა დ ასევე რაც მთავარია აქვე მოხდება სხვადასხვა გარჩევები და ურჩი პირების "გასამართლება".
"საზოგადოების მხრიდან მკვეთრად უარყოფითი დამოკიდებულების დაფიქსირების შემდეგ რამდენადაც ჩემთვის ცნობილია მერია აპირებს საბილიარდოს ადგილმდებარეობის შეცვლას, მაგრამ ცვლის კი ეს რაიმეს? რა მნიშვნელობაა სად და რომელ ადგილზე გადავყრით ორმოცდაათი ათას ლარს. როგორც ამ, ისე სხვა შემთხვევაში არანაირი საზოგადოებრივი აზრის კვლევა არ ჩატარებულა, შესაბამისად გასარკვევია თუ საზოგადოებას არ ეკითხება მერი რაში დახარჯავს ფული, მაშინ ვის ეკითხება და თუ ეკითხება მაშინ გასარკვევია ვინ არის ეს ხალხი. ქართული ოცნების ადგილობრივი ლიდერის განცხადებით ქალაქ ოზურგეთში ყველაფერი რიგზეა გამოდის, რომ ქართული ოცნება ეთანხმება ან მისთვის სულერთია რას მოიმოქმედებს ქალაქის მერი. ვინაიდან მერიის მხრიდან ოფიციალური განმარტება – საბილიარდოზე ორმოცდაათიათასი ლარის ხარჯვის აუცილებლობაზე არ გაკეთებულა და ასევე არ არსებობს მისი საჭიროების დასაბუთება, მიმაჩნია, რომ თანხის დაზოგვის მიზნით ელესას დაშლა და ამ ფულით საბილიარდოს გაკეთება რბილად, რომ ვთქვათ არასერიოზული გადაწყვეტილებაა, თუ არ ჩავთვლით იმ სერიოზულ საფრთხეს რომელიც მოაქვს ხალხის ფულის მერის პირადი ინტერესებით ხარჯვას და საბიუჯეტო სახსრების საჯარო ინტერესების საზიანოდ გამოყენებას", _ აღნიშნავს თამარ ნადირიძე.
ნადირიძის განცხადებას, იმასთან დაკავშირებით, რომ საბილიარდო დაკეტილი სივრცე იქნება და ის "ქუჩური გარჩევებისთვის" თავის მოყრის ადგილი გახდება, უარყოფს საკრებულოს თავმჯდომარე გელა კობალაძე და აღნიშნავს, რომ დაგეგმილია, ახალგაზრდებისთვის ბილიარდის წრის შემწავლელი კურსები, რომელიც უფასო იქნება, დანარჩენი მოქალაქეებისათვის, იქნება ჩვეულებრივი საბილიარდო, რომლებიც მინიმალურ გადასახადს გადაიხდის, ამავე დროს ჩატარდება ტურნირები.
რაც შეეხება ქალაქ ოზურგეთის მერიის პოზიციას, აქ ასეთ განმარტებებს აკეთებენ:
"ადგილის შეცვლის ამბავი, რომ საბილიარდო ადგილს იცვლის, არის იდეის დონეზე, ანუ ის რომ საბილიარდო შეიძლება სხვაგან გაკეთდეს, ბოლომდე გადაწყვეტილი არ არის, მაგრამ რაც შეეხება იმ პროექტს, რომ რაზეც ტენდერია გამოცხადებული, თანხა ჯერჯერობით გადახდილი არ არის, მაგრამ თუ გადაწყდა რომ საბილიარდო ადგილს შეიცვლის, ამ შემთხვევაში იმ პროექტს სხვა საჭიროებისამებრ გამოვიყენებთ, ამიტომ ეს თანხა, რომ ტყუილად წყალში გადაიყაროს ასე არ არის, გამოვიყენებთ აუცილებლად."
