ქალაქ ოზურგეთის მუნიციპალიტეტის მერია თავის საკუთრებაში არსებული უძრავი ქონების გასხვისებას გეგმავს, ადგილობრივ ბიუჯეტში თანხების მობილიზაციის მიზნით, რისთვისაც საჭიროა განხორციელდეს აღნიშნული ქონების აუდიტორული შეფასება, _ ამის შესახებ, დღეს, ქალაქ ოზურგეთის მუნიციპალიტეტის საკრებულოს ბიუროს სხდომაზე გახდა ცნობილი.
ამჟამად, მუნიციპალიტეტის გასასხვისებელი და შეფასება ჩასატარებელი აქვს 7 ობიექტს, კერძოდ: ქ. ოზურგეთში, ანასეულის დასახლებაში მდებარე 601 კვ.მ. არასასოფლო -სამეურნეო დანიშნულების მიწის ნაკვეთი, ქ. ოზურგეთში, ექადიაზე მდებარე 1035 კვ.მ. არასასოფლო -სამეურნეო დანიშნულების მიწის კავეთი, აღმაშენებლის ქუჩაზე მდებარე 642 კვ.მ. არასასოფლო – სამეურნეო დანიშნულების მიწის ნაკვეთი, აღმაშენებლის ქუჩაზე მდებარე 388 კვ.მ. არასასოფლო -სამეურნეო დანიშნულების მიწის ნაკვეთი, ვ.დოლიძის ქუჩაზე მდებარე 196 კვ.მ. არასოფლო-სამეურნეო დანიშნულების მიწის ნაკვეთი.
ქალაქ ოზურგეთის მუნიციპალიტეტის მერიის მატერიალურ -ტექნიკური უზრუნველყოფისა და შესყიდვების განყოფილების უფროსის დავით გორდელაძის განმარტებით, ზემოთ აღნიშნული ობიექტების აუდიტორული შეფასების მომსახურების შესასყიდად 700 ლარია საჭირო.
ქალაქ ოზურგეთის მუნიციპალიტეტის საკუთრებაში არსებული საპრივატიზაციო ქონების ნუსხის დამტკიცების საკითხზე, დღეს ქალაქ ოზურგეთის მუნიციპალიტეტის საკრებულოს ბიუროს სხდომაზე, სივრცითი მოწყობის, არქიტექტურის, ურბანული განვითარებისა და მშენებლობის სამსახურის უფროსმა მერაბ წივწივაძემ ისაუბრა და ის ტერიტორიები დააკონკრეტა, რის გასხვისებასაც საჯარო აუქციონის წესით ქალაქ ოზურგეთის მერია აპირებს.
“ჩვენ ვითხოვთ მუნიციპალიტეტის საკუთრებაში არსებული საპრივატიზაციო ქონების ნუსხის დამტკიცებას, ამის შემდეგ მოხდება აღნიშნული ობიექტების აუქციონზე გატანა“ , _ აღნიშნა წივწივაძემ.
აღნიშნულ საკითხს ბიუროს ყველა წვერი დაეთანხმა.
