2010 წელს, ოზურგეთის მუნიციპალიტეტის გამგეობის ხარჯები 5 877,3 ლარით არის გათვალისწინებული. გამგეობის სხვადასხვა სამსახურებში დასაქმებულთა შრომის ანაზღაურება 799 300 ლარს შეადგენს..
ოზურგეთის მუნიციპალიტეტის გამგეობისგან მიღებული ოფიციალური წერილის თანახმად ირკვევა, რომ გამგეობის სტრუქტურა 12 სამსახურისა და შვიდი განყოფილებისგან შედგება. აღნიშნულ სამსახურებსა და განყოფილებებში სულ 94 ადამიანია დასაქმებული და მათი სახელფასო ფონდი თვეში 39 560 ლარს შეადგენს, ამას ემატება ოზურგეთის მუნიციპალიტეტის ტერიტორიულ ორგანოებში დასაქმებულთა რაოდენობა. სულ _ 119 დასაქმებული, რომელთა შენახვა ბიუჯეტს თვეში 29 600 ლარი უჯდება. ბიუჯეტიდან 2010 წლის პირველი იანვრიდან ოქტომბრის ბოლომდე, მივლინებისთვის 15 780 ლარია გაცემული. პრემიის სახით _ 17 472, ხოლო სატელეფონო ხარჯებისთვის _ 33 574 ლარი. საჯარო ინფორმაციის თანახმად, მუნიციპალიტეტის გამგეობაში 204 თანამშრომელია დასაქმებული. თუმცა, როგორც “გურია ნიუსთან” საუბარში ოზურგეთის მუნიციპალიტეტის გამგეობის საფინანსო-საბიუჯეტო სამსახურის უფროსი ლია ქათამიძე ამბობს, ნოემბრის მონაცემებით ხელფასი 205 საჯარო მოხელეს დაერიცხა.
გამგეობის ხელმძღვანელობა
ოზურგეთის მუნიციპალიტეტის გამგებლის გიორგი ტაკიძის თანამდებობრივი სარგო ყოველთვიურად 2 360 ლარს შეადგენს; მისი მოადგილეების _ ლავრენტი ქვილორიას და მიხეილ გოგოტიშვილის კი 900-900 ლარს; გამგებლის თანაშემწის ნათია ცეცხლაძის _ 450 ლარს. მათ შენახვაზე ყოველთვიურად 4 610 ლარი იხარჯება. სულ 12 თვეში _ 55 320 ლარი.
სამსახურის უფროსების სახელფასო ფონდი
ადმინისტრაციულ სამსახურში 14 ადამიანია დასაქმებული და მათი სახელფასო ფონდი თვეში 5540 ლარით არის განსაზღვრული, რაც მთელი წლის განმავლობაში 66 480 ლარია. აღნიშნული სამსახურის უფროსის ხელფასი 700 ლარს შეადგენს; სამსახურს ორი მთავარი სპეციალისტი ჰყავს ჴ კადრების და ტერიტორიულ ორგანოებთან ურთიერთობის საკითხებში, სამეურნეო და კომუნალურ საკითხებში, რომელთა ხელფასები 420-420 ლარს შეადგენს; მოქალაქეთა მიღების, საქმის წარმოების და საზოგადოებასთან ურთიერთობის განყოფილების უფროსის ხელფასი 500 ლარია; მთავარი სპეციალისტის მოქალაქეთა მიღებისა და მომსახურების საკითხებში კი _ 420 ლარი; ასევე 420 ლარი აქვს, როგორც მთავარ სპეციალისტს, საზოგადოებასთან, პრესასთან ურთიერთობის საკითხებში, ისევე მთავარ სპეციალისტს საქმის წარმოების საკითხებში. ადმინისტრაციულ სამსახურს, გარდა ჩამოთვლილისა, ტექნიკური პერსონალი, მძღოლი, მდივან-რეფერენტი და დამლაგებელი ჰყავს.
ექვსი საჯარო მოხელეა დასაქმებული ეკონომიკის, ინფრასტრუქტურის და საინვესტიციო გარემოს განვითარების სამსახურში _ უფროსის ხელფასი 700 ლარს შეადგენს; მთავარ სპეციალისტს ეკონომიკის საკითხებში 420 ლარი აქვს; მთავარი სპეციალისტს სოფლის მეურნეობის და გარემოს დაცვის საკითხებში, ასევე, 420 ლარი; ინფრასტრუქტურის და მშენებლობის საკითხებში მთავარი სპეციალისტის ხელფასიც 420 ლარია; ეკონომიკის და საინვესტიციო პროექტების განყოფილების უფროსის ხელფასი 500 ლარს შეადგენს; მთავარი სპეციალისტის საინვესტიციო პროექტების მომზადების საკითხებში _ 420 ლარს. თვეში მათ სახელფასო ფონდზე ბიუჯეტიდან 2180 ლარი იხარჯება, წლის განმავლობაში კი 26 160 ლარი.
არქიტექტურის და ურბანული დაგეგმარების სამსახურის უფროსს, როგორც სხვა დანარჩენი სამსახურის უფროსებს, ხელფასი 700 ლარი აქვს; მთავარ სპეციალისტს არქიტექტურის და ურბანული დაგეგმარების საკითხებში _ 420 ლარი. წლის განმავლობაში მათი სახელფასო ფონდი 13 440 ლარია, თვეში კი _ 1120 ლარი.
მუნიციპალური ქონების მართვის სამსახურში 4 ადამიანი მუშაობს _ სამსახურის უფროსს 700 ლარი აქვს ხელფასი; მთავარ სპეციალისტს მიწის მართვის საკითხებში _ 420 ლარი; ასევე 420-420 ლარი აქვთ ხელფასები მთავარ სპეციალისტებს ქონების მართვის საკითხებში. მთელი ეს თანხა თვეში 1960 ლარია, წლის განმავლობაში კი _ 23 520 ლარი.
საფინანსო-საბიუჯეტო სამსახურის უფროსის დაქვემდებარებაშია ბიუჯეტის დაგეგმვის, ანალიზის და სახაზინო მომსახურების განყოფილება, სადაც სამი ადამიანია დასაქმებული და თითოეულის ხელფასი 420 ლარს შეადგენს; განყოფილების უფროსს შრომის ანაზღაურება თვეში 500 ლარი აქვს; აღნიშნული სამსახურის უფროსს ლია ქათამიძეს კი _ 700 ლარი. ამავე სამსახურის დაქვემდებარებაშია ბუღალტრული აღრიცხვა-ანგარიშგების განყოფილება, რომლის უფროსის ხელფასი 500 ლარია; მთავარი სპეციალისტების ბანკთან ურთიერთობის საკითხებში ბუღალტრული აღრიცხვა-ანგარიშგების საკითხებში და სასაქონლო-მატერიალურ ფასეულობათა ინვენტარიზაციის საკითხებში _ 420-420 ლარი. საფინანსო-საბიუჯეტო სამსახურში დასაქმებულ 9 საჯარო მოხელეზე თვეში ხელფასის სახით 4 220 ლარი იხარჯება, 12 თვეში კი 50 640 ლარი.
მუნიციპალური შესყიდვების და მატერიალურ-ტექნიკური უზრუნველყოფის სამსახურში 5 საჯარო მოხელეა დასაქმებული. აღნიშნული სამსახურის უფროსის სახელფასო ფონდი თვეში 700 ლარს შეადგენს; ამავე სამსახურის მთავარი სპეციალისტის შესყიდვების სამსახურში _ 420 ლარს; მატერიალურ-ტექნიკური უზრუნველყოფის განყოფილების უფროსს 500 ლარი აქვს ხელფასი; განყოფილების მთავარ სპეციალისტს კი _ 420 ლარი. მათი სახელფასო ფონდი თვეში 2460 ლარია, რაც წლის განმავლობაში 29 520 ლარს შეადგენს.
კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსის ხელფასი 700 ლარით არის განსაზღვრული; ამავე სამსახურის სპეციალისტების კულტურის და ძეგლთა დაცვის საკითხებსა და განათლების საკითხებში 420-420 ლარით; სპორტის და ახალგაზრდულ საქმეთა განყოფილების უფროსის _ 500 ლარით; მისი განყოფილების მთავარი სპეციალისტის კი _ 420 ლარით. აღნიშნულ სამსახურში დასაქმებულ საჯარო მოხელეების ხელფასებზე ყოველთვიურად ბიუჯეტიდან 2 460 ლარი იხარჯება, წლის განმავლობაში კი 29 520 ლარი.
შრომის, საზოგადოებრივი ჯანმრთელობის და სოციალური დაცვის საკითხებში ლტოლვილთა და იძულებით გადაადგილებულ პირთა საქმიანობის სამსახურში ხუთი ადამიანია დასაქმებული. სამსახურის უფროსს 700 ლარი აქვს ხელფასი; მთავარ სპეციალისტს საზოგადოებრივი ჯანდაცვის საკითხებში ჴ 420 ლარი; მთავარ სპეციალისტს შრომის, სოციალურ დევნილთა და იძულებით გადაადგილებულ პირთა მომსახურების საკითხებში _ 420 ლარი; სოციალურ საკითხებში მთავარ სპეციალისტს _ 420 ლარი; ვეტერანთა მომსახურების საკითხებში კი ასევე 420 ლარი. თვეში მათი ხელფასებით უზრუნველყოფას 2 380 ლარი სჭირდება, წლის განმავლობაში კი 28 560 ლარი.
სახანძრო დაცვის სამსახურში 26 ადამიანია დასაქმებული. მათი თანამდებობრივი სარგო თვეში 8 060 ლარით არის გათვალისწინებული, წლის განმავლობაში კი 96 720 ლარით. სამსახურის უფროსის ხელფასი 700 ლარს შეადგენს; მთავარი სპეციალისტების _ 400-400 ლარს; ცვლის უფროსის _ 350 ლარს; მეხანძრის _ 300 ლარს; ხოლო ოპერატორის _ 180 ლარს. მაშინ, როცა ეს ადამიანები საკუთარ სიცოცხლეს რისკის ქვეშ აყენებენ და ფაქტობრივად, შიშველი ხელებით ებრძვიან ხანძარს, არც გამართული ტექნიკა ჰყავთ და არც შესაბამისი ხარჯები გააჩნიათ.
სამხედრო აღრიცხვის, გაწვევის, მობილიზაციის და სამოქალაქო თავდაცვის სამსახურის უფროსის ხელფასი 700 ლარს შეადგენს; მთავარი სპეციალისტის _ 420 ლარს; მთავარი სპეციალისტის სამოქალაქო თავდაცვის საკითხებში _ 420 ლარს; გაწვევისა და მობილიზაციის განყოფილების უფროსის _ 500 ლარს; ამ განყოფილების ექვს მთავარ სპეციალისტს 420-420 ლარი აქვთ ხელფასი. ჯამში 11 საჯარო მოხელეს შენახვა თვეში ბიუჯეტს 4 980 ლარი უჯდება, რაც წლის განმავლობაში 59 760 ლარია.
იურიდიული სამსახურის უფროსის ხელფასი თვის განმავლობაში 700 ლარია; მთავარი სპეციალისტის ადმინისტრაციულ ორგანოებთან ურთიერთობის საკითხებში _ 420 ლარი; ასევე 420 ლარი აქვს ხელფასი მთავარ სპეციალისტს სამართლებრივი აქტების მომზადების საკითხებში. მათი სახელფასო ფონდი თვეში 1 540 ლარს შეადგენს, 12 თვეში კი 18 480 ლარია.
ზედამხედველობის სამსახურში ოთხი ადამიანია დასაქმებული _ ერთი უფროსი და სამი მთავარი სპეციალისტი, რომელთა ხელფასი თვეში 420-420 ლარს შეადგენს. მათ ხელფასებზე ყოველთვიურად 1 960 ლარი იხარჯება. წელიწადში კი 23 520 ლარი.
ოზურგეთის მუნიციპალიტეტის ტერიტორიულ ორგანოებში 119 ადამიანია დასაქმებული. რწმუნებულის ხელფასი 400 ლარით არის განსაზღვრული; სპეციალისტის კი 200 ლარით. 29 ტერიტორიულ ორგანოში დასაქმებული საჯარო მოხელეების სახელფასო ფონდი წლის განმავლობაში 355 200 ლარია, თვეში _ 29 600 ლარი.
ქალაქ ოზურგეთის ტერიტორიულ ორგანოში 10 ადამიანია დასაქმებული, დაბა ურეკში _ სამი, დაბა ლაითურში, დაბა ნარუჯაში და დაბა ნასაკირალში _ ოთხ-ოთხი. ასევე ოთხ-ოთხი ადამიანია დასაქმებული ასკანის, ბახვის, ბოხვაურის, გურიანთის, კონჭკათის, მაკვანეთის, ლიხაურის, მერიის, სოფელ ოზურგეთის, ცხემლისხიდის, ძიმითის და ჯუმათის თემებში. ხოლო ბაილეთის, თხინვალის, მელექედურის, მთისპირის, ნაგომრის, სილაურის და ჭანიეთის ტერიტორიულ ორგანოებში _ სამ-სამი. შემოქმედის, შრომის, ნატანების, ვაკიჯვრისა და დვაბზუს თემებში კი ხუთ-ხუთი საჯარო მოხელე მუშაობს.
