საქართველოს უზენაესი სასამართლოს ახალი თავმჯდომარე, რომელიც თანამდებობაზე 2015 წლის თებერვლიდან იმყოფება თბილისში ორ ბინას და ერთ მიწის ნაკვეთს ფლობს.
კერძოდ, 2015 წლის 20 მაისს შევსებული დეკლარაციის მიხედვით, ნინო გვენეტაძე 100%-იანი წლის მფლობელია თბილისში, პეკინის 3 ა ნომერში 70.00 კვ.მ-ისა და ამავე მისამართზე 140.00 კვ.მ-ის ფართობის ბინების.
გარდა ამისა, ის ფლობს 11.00 კვ.მ-ის მიწის ნაკვეთს თბილისში, „დიღმის სავანეში“.
რაც შეეხება მის ფინანსურ მდგომარეობას, დეკლარაციის შევსების მომენტში მის სახელფასო ანგარიშზე რესპუბლიკა ბანკში 1103.00 ლარი იყო.
დეკლარაციის მიხედვით, 2014 წლის 20 მაისიდან, 2015 წლის მაისის ბოლომდე გვენეტაძემ საერთო ჯამში 139 470 ლარის შემოსავალი მიიღო. კერძოდ, შპს ქართულ-ამერიკული უნივერიტეტი უნივერსიტეტიდან, სადაც სადოქტორო და სამაგისტრო პროგრამების ხელმძღვანელი იყო 98225.00 ლარის შემოსავალი აქვს მიღებული; იუსტიციის სასწავლო ცენტრი საექსპერტო მომსახურებიდან – 8 080.00 ლარი; ხოლო იურიდიული განათლების ხელშეწყობის ფონდიდან, სადაც სისხლის სამართლის ლექტორი იყო – 1879.00 ლარი.
გარდა ამისა, გვენეტაძე, ერთი წლის განმავლობაში EU პროექტი ჰუმან დაინამიქს გრანტიდან შემოსავლის სახით 23 454.00 ლარი, საია – განათლების ფონდის პროექტიდან – 4 265.00 ლარი ხოლო ფონდი „ღია საზოგადოებიდან – 3 564.00 ლარი მიიღო.
თუმცა, გარდა შემოსავლისა, გვენეტაძეს ერთი წლის განმავლობაში სოლიდური დანახარჯიც ჰქონდა. მან სესხების პროცენტის დასაფარად 17 423 დოლარი და 674.00 ლარი გასცა.
კერძოდ, რესპუბლიკა ბანკში 2007 წელს აღებული 60 000 დოლარიანი კრედიტის (ხელშეკრულების დადებისა და ამოწურვის თარიღი: 28/12/2007 – 27/12/2017) დასაფარად 10280.00 დოლარი; ამავე ბანკში 2012 წელს აღებული 30000.00 დოლარიანი კრედიტის (ხელშეკრულების დადებისა და ამოწურვის თარიღი: 12/02/2014 – 12/02/2019) დასაფარად კი, 7143.00 დოლარი გადაიხადა.
გარდა ამისა, გვენეტაძეს ამავე ბანკში 2010 წელს აღებული 10 000 დოლარიანი კრედიტიც (ხელშეკრულების დადებისა და ამოწურვის თარიღი: 30/09/2014 – 30/09/2017) აქვს, რომლის დასაფარადაც მან 674.00 ლარი გადაიხადა.
გვენეტაძის ოჯახი არ ფლობს ფასიან ქაღალდებსა და ძვირადღირებულ ნივთებს.
ამავე თემაზე:
„სამოქალაქო სექტორში უფრო მეტი ანაზღაურება მქონდა, ვიდრე სასამართლო სისტემაში“_ გვენეტაძე
