ძნელია თქმა, ზუსტად რამდენია მათხოვრის "ხელფასი". რუსეთში ამას ხელი მოკიდა ეთნოლოგიისა და ანთროპოლოგიის სამეცნიერო-საკვლევმა ინსტიტუტმა. უკანასკნელი გამოთვლებით მოსკოვში მათხოვრები დღეში 200-დან 300 რუბლამდე გამოიმუშავებენ, თვეში კი მათი შემოსავალი 10 ათას რუბლს, ანუ დაახლოებით 1 600-1 700 დოლარს შეადგენს. თუმცა, მათ მხოლოდ ნახევარი რჩებათ, მეორე ნახევარი კი ამ ბიზნესის ორგანიზატორებისაა, რომლებიც მათხოვრებს რეგისტრაციასა და საცხოვრებლით უზრუნველყოფაში ეხმარებიან. მიუხედავად ამისა, მკვლევრები აცხადებენ, რომ რუსი მათხოვრები ევროპელებთან შედარებით მეტს გამოიმუშავებენ.
მათხოვრებს აქვთ თავიანთი იერარქია და ჰყავთ ელიტა: ესენი არიან ხეიბრები, არასრულწლოვნები და ჩვილბავშვიანი დედები. მათმა შემოსავალმა დღეში შეიძლება 5 ათას რუბლამდე მიაღწიოს.
მოსკოველები მათ შორის მხოლოდ 10 პროცენტია. აღმოჩნდა კიდევ ერთი ახალი დეტალი: მნიშვნელოვნად შემცირდა მათხოვართა ასაკი.
მოსკოვის დედაქალაქში დაახლოებით 10 დანაშაულებრივი დაჯგუფებაა, რომლებიც შემოწირულობაზე მუშაობს. კანონით, მილიციელს მათხოვრის დასჯა მხოლოდ გამონაკლის შემთხვევაში შეუძლია, ისიც მცირე ჯარიმით. საერთოდ კი მხოლოდ პროფილაქტიკური საუბრით უნდა შემოიფარგლოს.
