შინაგან საქმეთა სამინისტროს საზოგადოებასთან ურთიერთობის სამსახური ხელმძღვანელი, ნინო გიორგობიანი "ფეისბუქში" ცრუ შეტყობინების შესახებ წერს.
"ეხლა მოხდა ასეთი შემთხვევა, შემოვიდა შეტყობინება ფალიაშვილის ქუჩიდან რომ ვეფხვის ხმა გაიგონეს, გავიდა ადგილზე პატრული და რა აღმოჩნდა?!
არასრულწოვნებმა ვეფხვის ხმა ჩაიწერეს ტელეფონში და ამ ხმას ფანჯრიდან დინამიკების მეშვეობით ქუჩაში გადასცემდნენ! აი რა დავარქვა ამ საქციელს არ ვიცი!
მოზარდები მშობლებთან ერთად პოლიციაში დაიბარეს.
მთელი დღის განმავლობაში ბევრი ცრუ შეტყობინება შემოდის, მაგარამ ეს უკვე არაფერში არ ჯდება! იმედს ვიტოვებ მსგავსი ხუმრობის ხასიათზე სხვები არ დადგებიან !", _ წერს გიორგობიანი.
