13 ივნისს, თბილისში მომხდარმა სტიქიურმა უბედურებამ ზოოპარკის თითქმის ნახევარი გაანადგურა. ზოოპარკის 600 ბინადარიდან 300-მდე დაიხრჩო ან მოკლეს.
ორ მტაცებელს – ზოლიან აფთარსა და ვეფხვს ამ დრომდე ეძებენ. მხოლოდ 21 ივნისს, სხვადასხვა ადგილზე მტაცებელი ცხოველის თაობაზე სულ 15 გამოძახებაა დაფიქსირებული, თუმცა არც ერთი მათგანი არ დადასტურდა.
ზოოპარკის ადმინისტრაცია ამ დრომდე ვერ აკონკრეტებს, რამდენი მტაცებელი ცხოველი იყო ზოოპარკის გარეთ. საქმე იმაშია, რომ ვოლიერები, სადაც ვეფხვები ცხოვრობდნენ, 13 ივნისის ღამიდან მოყოლებული ამ დრომდე წყლით არის სავსე და არ ჩანს ცხოველების საცხოვრებელი ბუნაგები. ამიტომაც, ზოოპარკის თანამშრომელბის ნაწილი ვარაუდობს, რომ შესაძლოა, ვეფხვიც და აფთარიც ვოლიერებში იყვნენ დამხრჩვალი.
რაც შეეხება 78-მდე ცხოველის ლეშს, რომელიც ზოოპარკისა და მისი მიმდებარე ტერიტორიიდან გაიტანეს, მათი კრემაცია სპეციალისტების მეთვალყურეობის ქვეშ ჩატარდა.
ამ დრომდე მიმდინარეობს ზოოპარკის გაწმენდითი სამუშაოები, ტერიტორიიდან ნარჩენების გატანას ბოლო არ უჩანს.
ზოოპარკის რომელი ბინადრები გადაურჩნენ 13 ივნისიის სტიქიას, “გურია ნიუსის” ფოტორეპორტაჟში ნახავთ:
ამავე თემაზე: სტიქიას გადაჩენილი ზოოპარკი ცხოველების და ბავშვების გარეშე
