“ვერეს თაობა” გურიაში _ გავხსნათ ივლიტას ბიბლიოთეკა!

საკვები და ტკბილეული "ივლიტას ბიბლიოთეკაში" მომუშავეებს პატარებმაც მოუტანეს _ დაჩი და  თემუკა ცინცაძეებმა, რომლებმაც პირობა დადეს, რომ ბიბლიოთეკას გახსნის შემდეგ ძალიან ხშირად ესტუმრებიან.

რაც შეეხება შემოწირულობებს; ორშაბათს "ივლიტას ბიბლიოთეკისთვის" 20 ლარი ნატალია აცანელიძემ ჩარიცხა, 50 ლარი _ იამზე ვაჩეიშვილმა, მიხეილ   მარმა _ 100 ლარი.
300 ლარი შემოწირა ბიბლიოთეკას "გურია ნიუსის" პროექტების მუდმივმა მხარდამჭერმა, ქველმოქმედმა გია ცეცხლაძემ, რომელმაც სამშენებლო სამუშაოები ოზურგეთის მუნიციპალიტეტის გამგებელთან მერაბ ჭანუყვაძესთან ერთად მოინახულა.

ბიბლიოთეკის დახმარების სურვილი მერაბ ჭანუყვაძემაც გამოთქვა.

სამშაბათს, 7 ივლისს, ბიზნესმენმა ილია კეჭაყმაძემ 300 ლარი ჩარიცხა, ჩოხატაურის მუნიციპალიტეტის გამგეობის სამხედრო სამსახურის უფროსმა ვახტანგ მეფარიშვილმა 100 ლარი, ნატო კიკვაძემ _ 50 ლარი.

500 ევრო გერმანიიდან, კერძოდ კი  ქალაქ ერფურტის ქართული საკვირაო სკოლიდან გადმოგვირიცხეს. 

დღეს "ივლიტას ბიბლიოთეკას" 10-10 ლარი შემოწირა საბა ქორიძემ, ავთო კიკვაძემ, ბექა და კოტე სიხარულიძეებმა, 20 ლარი _ ბეგლარ სიხარულიძემ.

გრძელდება წიგნების შემოტანაც _. ამ დროისთვის "გურია ნიუსის" ოფისებში 1000-ზე მეტი წიგნია შემოსული.

ბიბლიოთეკის მოწყობისთვის საჭირო სახსრების გაღების მსურველებს, შეუძლიათ თანხა ჩარიცხონ "გურია ნიუსის" საქველმოქმედო საბანკო ანგარიშზე: სს საქართველოს ბანკი, ბანკის კოდი: BAGAGE22; საბანკო ანგარიში: GE02BG0000000125488801; მიმღები: შპს " ჩოხატაურის მაცნე".

"ივლიტას ბიბლიოთეკა" ივლიტა ჯიბუტის დაბადების დღეზე _ 19 ივლისს სიმბოლურად უნდა გაიხსნას; ამიტომ, სამუშაოები დაჩქარებული ტემპით მიმდინარეობს.