” ახალი მემარჯვენეების” ერთ-ერთმა ლიდერმა, მანანა ნაჭყებიამ ოზურგეთის დემოკრატიული ჩართულობის ცენტრში პარტიის რეგიონული ორგანიზაციის ხელმძღვანელი და პოლიტიკური კურატორი 7 თებერვალს წარადგინა.
ნაჭყებიას განცხადებით, ” ახალი მემარჯვენეები” ერთ-ერთ ძირითად პრიორიტეტად ქართული სოფლის გაძლიერებას ასახელებენ, ამიტომ მნიშვნელოვნად მიაჩნია რეგიონული და რაიონული სტრუქტურების აქტიურობა და მობილურობა, მათი დაინტერესება სოფლებში არსებული პრობლემებით, პარტიის ლიდერების უშუალო ყოველდღიური კონტაქტი სოფლად მცხოვრებ მოსახლეობასთან.
მისი თქმით, ამ მიზნით შეიქმნა გურიაში რეგიონული ორგანიზაცია, რომელიც რაიონულ ორგანიზაციებს გაუწევს კოორდინაციას _ რეგიონულ ორგანიზაციას ნათია კრავეიშვილი უხელმძღვანელებს.
გურიის კურატორი ლევან კალანდაძე იქნება, რომელიც ძირითად აქცენტს გურიის რეგიონზე და მისი მოსახლეობის პრობლემებზე, ასევე, პარტიის ინიციატივების და მისი პროგრამის გურიის მოსახლეობისთვის გაცნობაზე გააკეთებს.
