გრძელდება ივლიტას ბიბლიოთეკის მოწყობა, რისთვისაც სახსრები შემოწირულობებით იკრიბება. ბოლო დღეების შემოწირულობა ასეთია: ბუკისციხის საჯარო სკოლა _ 50 ლარი, მზია ქალიაშვილი _ 30 ლარი, მარიეტა ჩავლეიშვილი _ 10 ლარი, ჩოხატაურის მუნიციპალიტეტის სამხატვრო სკოლა _ 14 ლარი, ჩოხატაურის მუნიციპალიტეტის გამგეობა _ 3000 ლარი, კაფე "ციცინათელა" _ 100 ლარი, ნაზიკო გაგუა _ 100 ლარი, დავით კიკვაძე _ 5 ლარი, ანთიძე ლია _ 20 ლარი, ჩოხატაურის პირველი საჯარო სკოლა _ 100 ლარი, მიხეილ ჩხარტიშვილი _ 5000 ლარი, ჩოხატაურის ახალგაზრდული საკრებულო _ 473 ლარი, მამუკა ჯიბუტი _ 300 ლარი, სს "ტრანსპორტელი" _ 150 ლარი, ჩოხატაურის მაჟორიტარი დეპუტატის ბიურო _ 1500 ლარი, ნინო ხოჯელანი _ 50 ლარი, სამსონ ჯიბუტი _ 30 ლარი _ ეს თანხა, "გურია ნიუსის" საქველმოქმედო ანგარიშზე 10 ივლისიდან 15 ივლისის ჩათვლით "ივლიტას ბიბლიოთეკისთვისაა" ჩამორიცხული.
ჩოხატაურის სამრევლო სკოლის მეხუთე კლასის მოსწავლეებმა (კლასის ხელმძღვანელი გვანცა დოლიძე) ექსკურსიისთვის შეგროვებული თანხა _ 120 ლარი "ივლიტას ბიბლიოთეკას" შემოსწირეს.
აქტიურად მიმდინარეობს სარემონტო სამუშაოები. დღეს დახმარება გაგვიწიეს ქალაქ ოზურგეთის მერიის თანამშრომლებმა: გია მამალაძემ, კახა ღვინჯილიამ, გია ურუშაძემ, ბესო გოგელიამ, ამირან გ
ოლიაძემ და დავით კოპლატაძემ.
მოხალისეებს, რომლებიც 22 დღეა თავდაუზოგავად შრომობენ, დღეს სადილი მარიამ სირაძემ მოუმზადა.
აღსანიშნავია, რომ "ივლიტას ბიბლიოთეკაში" მიმდინარე სარემონტო სამუშაოები ოზურგეთის მერმა ბეგლარ სიორიძემ პირადად მოინახულა და დახმარებაც დაგვპირდა.
ბიბლიოთეკას ჩოხატაურის მუნიციპალიტეტის მაჟორიტარი დეპუტატი თემურ ჭკუასელიც სტუმრობდა. სამშენებლო სამუშაოები ეროვნული ბიბლიოთეკის დირექტორმა გიორგი კეკელიძემაც დაათვალიერა.
დღეს საღამოს უკვე გაწმენდითი სამუშაოები დაიწყო _ "ივლიტას ბიბლიოთეკა" 19 ივლისს, კვირას, 16 საათზე, ჩოხატაურში,"გურია ნიუსის" ოფისში სიმბოლურად იხსნება.
ბიბლიოთეკა მედიასახლ “გურია ნიუსისა” და საქართველოს პარლამენტის ეროვნული ბიბლიოთეკის ინიციტივით, ახალგაზრდების ენთუზიაზმით, შრომით და სიყვარულით კეთდება.
ბიბლიოთეკაში ახალგაზრდებს ცოდნის გაღრმავების, ინტერნეტრესურსთან შეუზღუდავი წვდომის, ღია საზოგადოებაში ინტეგრაციის,
ახალ ინიციატივებზე მსჯელობის შესაძლებლობა ექნებათ.
