"გურია ნიუსის" წყაროს ინფორმაციით, შსს გურიის სამხარეო მთავარი სამმართველოს უფროსად კობა ცერცვაძე დაინიშნა _ მან ამ პოსტზე გიორგი მდინარაძე შეცვალა.
კობა ცერცვაძე შსს სამეგრელო-ზემო სვანეთის სამხარეო მთავარი სამმართველოს უფროსის გიგა ზესაშვილის მოადგილე იყო. ბრძანება მისი დანიშვნის შესახებ წუხელ დაიწერა.
პოლიციის ახალ შეფს გურიაში ხვალ ელოდებიან.
შსს პრესსამსახურში აცხადებენ, რომ გურიის სამხარეო მთავარი სამმართველოს უფროსის დანიშვნის შესახებ ოფიციალური ბრძანება ჯერ დაწერილი არ არის.
