უკრაინაში მიმდანარე ომში ჩეჩენი მებრძოლებიც ჩაერთვნენ. ამის შესახებ ინფორმაციას ამერიკული გამოცემა THE GUARDIAN-ი აქვეყნებს.
THE GUARDIAN– ის ინფორმაციით, რაც არ უნდა გასაკვირი იყოს, ასობით ჩეჩენი სამხედრო ორივე მხარეს იბრძვის.
როგორც გამოცემასთან ინტერვიუში "მომაკვდინებელი ბატალიონის" მეთაურმა, ბოლოტხანოვმა აღნიშნა, მიმდინარე წლის დასაწყისში 300 ჩეჩენი სამხედრო დონეცკში ამბოხებულებს მხარს უჭერდა.
"ისინი მოხალისეები იყვნენ და მათ ქმედებებს დონეცკის მეამბოხეთა ლიდერი ხელმძღვანელობდა."_ამბობს ბოლოტხანოვი.
მისივე თქმით, ჩეჩნებმა დონეცკის აეროპორტში მომხდარ სისხლიან შეტაკებაშიც მიიღეს მონაწილეობა, რომელშიც 5 თვის მანძილზე მონაწილეობდნენ, შემდეგ კი ჩეჩნეთში დაბრუნდნენ.
"ჩვენ მზად ვართ საჭიროების შემთხვევაში დონეცკში დავბრუნდეთ."_ამბობს ბოლოტხანოვი.
გამოცემის ინფორმაციით, 2 უკრაინულ ბატალიონში 100 ჩეჩენი სამხედრო მოხალისეა. ერთ ბატალიონს დუდაიევი, ხოლო მეორეს შეიხ მანსური ხელმძღვანელობს.
"რუსეთი ცოფიან ძაღლს ჰგავს, რომელიც მზადაა ყველა დაკბონოს ვიდრე მოკვდება,"– აცხადებენ დუდაიევის ბატალიონში.
როგორც ცნობილია,რუსეთსა და ჩეჩნეთს შორის უთანხმოება კადიროვისთვის ფულადი ჯარიმის დაკისრებამ წარმოშვა.
ამერიკული გამოცემის ცნობით, უკრაინაში ბრძოლის ველზე წყდება, გახდება თუ არა უკრაინა ჩეჩნეთის ბედის მემკვიდრე.
როგორც THE GUARDIAN-ს კლიმკინმა აცნობა, რუსეთის საგარეო საქმეთა მინისტრმა, სერგეი ლავროვმა თავის უკრაინელ კოლეგას, პავლო კლიმკინს უთხრა, რომ მცირე დროში რუსეთი უკრაინას ჩეჩნეთის მოდელად აქცევს.
ჩეჩნები დაპირისპირებული მხარეების ორივე მხარეს იბრძვიან, რაც თავისთავად ჩეჩნეთის შიდა კონფლიქტზე მიუთითებს.
როგორც ცნობილია, ჩეჩნები უპერსპექტივობის გამო ქვეყნიდან სირიაში მიდიან, მაგრამ ბევრი მათგანი მზად არის უკრაინაში ჩავიდეს და მას მხარი დაუჭიროს რუსეთთან ომში.
თუმცა ჩეჩნური ბატალიონის მეთაურმა, ბოლოტხანოვმა ამერიკულ გამოცემასთან ინტერვიუში აღნიშნა, რომ ჩეჩნები რუსებზე სულ გაბრაზებულები ვერ იქნებიან.
