ბოლო დროს დიდი ხმაური მოყვა "რუსთავი 2"-ის კონცერტების ჩატარებას. ქუთაისში, ბათუმში და ფოთში დაგეგმილი კონცერტები დათქმულ დროს არ ჩატარდა. კონცერტების ორგანიზატორის გიგა სულაძის თქმით, ყველა დაგეგმილი კონცერტი აუცილებლად გაიმართება. "გურია ნიუსი" დაინტერესდა, ჩატარდება თუ არა გურიაში "რუსთავი 2"-ს კონცერტი.
"გურიაში ამ ეტაპზე კონცერტის ჩატარება არ არის დაგეგმილი. თავიდან დაგეგმილი იყო 7 ქალაქში კონცერტის ჩატარება. რამდენიმე ქალაქში უკვე გაიმარტა კონცერტები. დანამდვილებით შემიძლია გითხრათ, რომ მომდევნო კონცერტები გაიმართება ბათუმში, ზუგდიდში, ქუთაისში, რუსთავში და თელავში. ასევე მიდის საუბარი ბორჯომში და რაბათში გაიმართოს "რუსთავი 2"-ის კონცერტები, მაგრამ დანამდვილებით ამის შესახებ ამ ეტაპზე ვერაფერს გეტყვით."_ გვითხრა გიგა სულაძემ.
