უკვე ცნობილია უცხო ენების და ქართული ენისა და ლიტერატურის გამოცდების შედეგები. ჩოხატაურში, უცხო ენების გამოცდებში ყველაზე მაღალი შედეგები პირველი საჯარო სკოლის კურსდამთავრებულებს აქვს.
97 ქულით მაგდა მამალაძე ლიდერობს, რომელსაც, როგორც გვითხრეს, ჩოხატაურში ყველაზე მაღალი ქულა აქვს მიღებული.
95 ქულა მიიღო მარი კუტუბიძემ; 89 _ რომა გუდავაძემ; 88 ქულა მიიღო სამრევლო სკოლის მოსწავლემ თამარ ლომთათიძემ; 87-87 ქულა აქვთ პირველი საჯარო სკოლის კურსდამთავრებულებს _ მარი ღამბაშიძეს და ირაკლი ბერუჩაშვილს; 86 ქულა აქვს პირველი სჯარო სკოლის კურსდამთავრებულ ნინო სირაძეს, ამდენივე ქულა მიიღო სამრევლო სკოლის მოსწავლე მარიამ ჩხიკვაძემ; 84 ქულა კი პირველი საჯარო სკოლის კურსდამთავრებულს გიორგი კვაჭანტირაძეს აქვს.
უცხო ენების გამოცდების პირველადი შედეგების მიხედვით, ოზურგეთის მუნიციპალიტეტში, მეორე საჯარო სკოლის კურსდამთავრებული რევაზ ირემაძე ლიდერობს. როგორც გვითხრეს ირემაძემ 100 ქულიდან 99 მიიღო. მას მათემატიკაში 59-დან 55 ქულა აქვს მიღებული, უნარებში კი 80-დან _ 73.
უცხო ენების გამოცდაში 98-98 ქულა მიიღეს მეოთხე საჯარო სკოლის მოსწავლეებმა _ მარი და ირაკლი დარჩიებმა და ანასეულის საჯარო სკოლის კურსდამთავრენბულმა მარიამ ქირიამ.
ამავე საგანში, ლანჩხუთში ყველაზე მაღალი _ 96 ქულა მესამე საჯარო სკოლის კურსდამთავრებულმა მოსწავლემ ეკა ფირცხალაიშვილმა მიიღო; 92 ქულა აქვს წყალწმინდის საჯარო სკოლის მოსწავლეს მარიამ ურუშაძეს; 87 ქულა მესამე საჯარო სკოლის მოსწავლეს მარიამ ქულაძეს; 84-84 ქულა აქვთ სასულიერო სკოლის კურსდამთავრებულებს _ თამარ ხოფერიას და ანი ფირცხალაიშვილს.
ქართულ ენასა და ლიტერატურის გამოცდებში, ჩოხატაურში ყველაზე მაღალი _ 80-იდან 79 ქულა პირველი საჯარო სკოლის კურსდამთავრებულმა მარი კუტუბიძემ მიიღო.
75 ქულა აქვს ამავე სკოლის კურსდამთავრებულს მარი ღამბაშიძეს; 74 _ მაგდა მამალაძეს; 71 _ ხატია ცინცაძეს; 69 _ ლუკა სიხარულიძეს; 68-68 ქულა აქვთ ირაკლი ბერუჩაშვილსა და გიორგი კვაჭანტირაძეს.
აღსანიშნავია, რომ გამოცდების შედეგებით ჩოხატაურის პირველი საჯარო სკოლა ჩოხატაურში ლიდერის პოზიციაზეა და როგორც განათლებისა და მეცნიერების სამინისტროში გვითხრეს, მხარის მასშტაბითაც გამორჩეულია.
ქართული ენისა და ლიტერატურის გამოცდებში ლანჩხუთის მუნიციპალიტეტში ყველაზე მაღალი _ 70 ქულა ანა ბენდელიანმა მიიღო, რომელიც პირველი საჯარო სკოლის კურსდამთავრებულია.
69 ქულა აქვს მარიამ ურუშაძეს _ წყალწმინდის საჯარო სკოლის კურსდამთავრებულს; ამდენივე ქულა მიიღო მესამე საჯარო სკოლის კურსდამთავრებულმა მარიამ უზნაძემ; 68 ქულა აქვს თორნიკე ღლონტს პირველი საჯარო სკოლიდან; 67 კი მარიამ წულაძეს მესამე საჯარო სკოლიდან.
რაც შეეხება ოზურგეთს _ ყველაზე მაღალი, 80-დან 79 ქულა მეოთხე საჯარო სკოლის კურსდამთავრებულმა ვასიკო ქარჩავამ მიიღო; 76 ქულა აქვს მარიამ დარჩიას; 75 _ ლიკა ჭანუყვაძეს; 72 _ ირაკლი დარჩიას; ამდენივე აქვს ნინო ვადაჭკორიას.
ყველა მათგანი მეოთხე საჯარო სკოლის კურსდამთავრებულია და როგორ გვითხრეს, ქართული ენისა და ლიტერატურის გამოცდებში ყველაზე მაღალი შედეგები სწორედ ამ სკოლის კურსდამთავრებულებმა აჩვენეს.
