ცესკოს თავმჯდომარე თამარ ჟვანია ოზურგეთში "საარჩევნო განვითარების სკოლის 2015"-ს დახურვას დაესწრო. სწორედ ამ ცერემონიის დასრულების შემდეგ, მან ჩვენს კითხვებს უპასუხა.
_ ქალბატონო თამარ, 2016 წლიდან საარჩევნო ორთაბრძოლა იწყება. არის თუ არა მზად ცესკო არჩევნების ჩასატარებლად?
_ რა თქმა უნდა, საარჩევნო მზადება აუცილებლად განპირობებული იმ პროცესით, რომელიც 2016 წელს, ოქტომბერში გველოდება. ეს არის ძალიან მნიშვნელოვანი არჩევნები. ცენტრალური საარჩევნო კომისიას და ადმინისტრაციას რაც შეეხება, ჩვენ პრიორიტეტად ამ ეტაპზე, როდესაც არ გვაქვს საარჩევნო პერიოდი, გვაქვს საგანმანათლებლო პროექტები. რესურსების თვალსაზრისით ძალიან მნიშვნელოვანია "საარჩევნო განვითრების სკოლის“ პროექტი, რომელსაც ახლა ვანხორციელებთ. ჩვენთვის მნიშვნელოვანია საუბნო საარჩევნო ადმინისტრაციები, რომლებიც მეტ-ნაკლებად იყო ხოლმე გარკვეული კრიტიკის საგანი და ყველა საუბნო საარჩევნო კომისიის წარმომადგენელი ვერ ახერხებდა კომპენტეტურად გარკვეული პროცესების ხელშეწყობას, სწორედ ამიტომ ვმუშაობთ ამ კუთხით ბევრს.
რაც შეეხება პოლიტიკური ნაწილს, საარჩევნო ადმინისტრაციისთვის ეს თემა არის აბსოლუტურად განყენებული. ჩვენ არ გვაინტერესებს პოლიტიკური პარტიების რეინტიგები და მათი აქტიურობა. ჩენ გვაინტერესებს საარჩევნო სუბიექტი იმ თვალსაზრისით, რომ ყველას შევუქნათ თანაბარი პირობები და იყოს ყველა პროცესი გამჭვირვალე, არ იყოს არანაირი კითხვის ნიშნები.
_ 2012 წლის არჩევნების შემდეგ იყო საუბარი, რომ საუბნო საარჩევნო კომისიაში "ნაცმოძრაობის" წევრები "ქართული ოცნების" წევრებმა ჩაანაცვლეს.
ჩვენთან საუბნო საარჩევნო კომისიების დაკომპლექტებასთან დაკავშირებით ერთი საჩივარიც არ შემოსულა. პრენტეზიები ძირითადად იყო ზეპირსიტყვიერი. მთავარი ის კი არ არის, ადამიანი ვისი მომხრე იქნება, მთავარია, საქმეში ხომ არ მჟღავნდება, რომ ის არის ტენდეციური ან მიკერძოებული. ამ კუთხით, არცერთი პრენტეზია და საჩივარი არ შემოსულა ჩვენთან.
_ და ბოლოს, 2016 წელს შესაძლებელია მაჟორიტარული სისტემა გაუქმდეს. თქვენ რა ინფორმაციას ფლობთ ამ საკითხთან დაკავშირებით?
_ არის საარჩევნო სისტემის ცვლილებაზე საუბარი, არის სხვადასხვა ვარიანტები. ჩვენთვის ცნობილია ვარიანტი, რომ სისტემური ცვლილები განხორციელდება მხოლოდამხოლოდ 2020 წლისთვის. მეორე მოთხოვნა არის ის, რომ ეს სისტემური ცვლილებები მოხდეს 2016 წლამდე.
ამ შემთხვევაში საუბარი არის მაჟორიტარული სისტემის გაუქმებაზე. ცენტრალური საარჩევნო კომისიისთვის და საარჩევნო ადმინისტრაციისთვის მნიშვნელოვანია ნებისმიერი ცვლილება, რაც კი განხორციელდება კანონში სისტემური და სერიოზული ფუნდამეტური თვალსაზრისით, აუცილებლად უნდა მოხდეს არჩევნებამდე ერთი წლით ადრე. იმიტომ, რომ ჩვენ გვჭირდება მომზადება, რადგან არჩევნები ჩატარდეს სამართლიანად და გამჭირვალედ.
