“ახალი მემარჯვენეები” გურიის რეგიონში მოსახლეობის ამერიკული თეთრი პეპლისგან დასაცავად სახელმწიფოს რადიკალური ნაბიჯების გადადგმისკენ მოუწოდებენ.
ამავე პარტიის გურიის რეგიონის კურატორის ლევან კალანდაძის თქმით, რამდენიმე წელია, გურიის მოსახლეობისთვის უგზოობას, უწყლობას, საწვავზე, შხამ-ქიმიკატებზე, სასუქებზე, სასოფლო-სამეურნეო ტექნიკაზე ხელმიუწვდომელობასა და სხვა უამრავ სირთულეს ემატება ერთი ძალზე მნიშვნელოვანი პრობლემა ჴ ამერიკული თეთრი პეპელა, რომლის გავრცელება ყოველწლიურად უფრო და უფრო მასობრივ ხასიათს იღებს.
_ პეპელა მნიშვნელოვნად აზიანებს და მთლიან ანადგურებს ხეხილს, ნათესებს, სხვა მცენარეებს, აბინძურებს წყალს, საკვებს და ა.შ. ამ მავნებლის გამო, გურიის სოფლები პრაქტიკულად პარალიზებულია. გლეხი ყოველგვარ შესაძლებლობასაა მოკლებული რაიმე სახით, რაიმე საშუალებით ებრძოლოს ამ მოვლენას, _ ამბობს კალანდაძე და დასძენს, რომ ამერიკული პეპლის წინააღმდეგ ბრძოლა პრიმიტიული, მარტივი შესაწამლი აპარატურით არანაირ შედეგს არ იძლევა: _ ამ პრობლემის დაძლევა მხოლოდ სახელმწიფოს მხრიდან კომპლექსური ღონისძიებების ჩატარების შემთხვევაშია შესაძლებელი. აუცილებელია, გახორციელდეს რეგიონის სოფლების მასობრივი საჰაერო შეწამვლითი სამუშაოები, რასაც გასულ წლებში გარემოს დაცვის სამინისტრო არ აკეთებდა და მხოლოდ ლოკალური ღონისძიებებით იფარგლებოდა. შეიძლება, პირდაპირ ითქვას, რომ ხელისუფლებამ არაფერი გააკეთა იმისთვის, რომ გურიის მოსახლეობა წლიდან წლამდე ამ პრობლემის წინაშე არ აღმოჩნდეს.
“ახალი მემარჯვენეები” მიმართავენ გარემოს დაცვისა და სოფლის მეურნეობის სამინისტროებს, დროულად იქნეს შემუშავებული და გახორციელებული საგანგებო ღონისძიებები გურიის რეგიონში ამერიკული პეპლის გავრცელების აღმოსაფხვრელად.
