გურიის გუბერნიაში წინასაახალწლოდ 30 ათას 650 ლარის პრემიები დარიგდა.
ოფიციალური წერილის მიხედვით პრემია გაიცა სახელმწიფო-რწმუნებულ გუბერნატორის ადმინისტრაციის საჯარო მოსამსახურეთათვის, სულ 33 თანამშრომელზე.
გუბერნატორის პირველმა მოადგილემ ქეთი მოისწრაფეშვილმა წინასაახალწლოდ, თანამდებობრივი სარგოს ტოლფასი_ 2 360 ლარი, ხოლო მეორე მოადგილემ გია ებრალიძემ _ 2 250 ლარი აიღეს.
გუბერნიაში დასაქმებულმა სამსახურის უფროსებმა ხელფასის ოდენობითი 1 550 ლარი, განყოფილების უფროსებმა _1 180 ლარი, უფროსმა სპეციალისტებმა_ 750 ლარი და 680 ლარი, უმცროსმა სპეციალისტებმა _ 550 ლარი, შრომითი ხელშეკრულებით დასაქმებულ 5 პირზე, ჯამში_ 4 080 ლარი გაიცა, თუმცა, ვინ არიან ეს პირები, ჩვენთვის გაუგებარია, რადგან გუბერნიიდან გამოთხოვილ ოფიციალურ წერილში არც მათი თანამდებობაა მითითებული და არც სახელობითი სია, თუმცა, ჩამოთვლილია პრემიების ოდენობა: 950, 650, 1000, 480, 1000 ლარი.
