ეგვიპტის დედაქალაქ კაიროში უსაფრთხოების სამსახურის შენობასთან ავტომობილი აფეთქდა.
THE WASHINGTONPOST-ის ინფორმაციით, აფეთქების შედეგად 20-მდე ადამიანი დაშავდა, მათ შორის 6 პოლიციელი.
შინაგან საქმეთა სამინისტროს განცხადებით, აფეთქების ხმა მთელი ქალაქში გაისმა და შენობების რყევა გამოიწვია.
როგორც ცნობილია, თავდამსხმელმა დანაღმული მანქანა უსაფრთხოების სამსახურის შენობასთან დატოვა და ვიდრე ბომბი აფეთქდებოდა მოტოციკლით გაიქცა.
გამოცემის ინფორმაციით, ეგვიპტეში ტერაქტები გახშირდა. ეგვიპტელი მეამბოხეების სამიზნე ხშირად უსაფრთხოების სამსახურები ხდება.
როგორც ცნობილია, გასულ თვეებში კაიროში ორი ტერაქტი განხორციელდა. ერთი იტალიის საკონსულოსთან, ხოლო მეორე პრეზიდენტის რეზიდენციასთან მოხდა.
გავრცელებული ცნობით, ისლამურმა სახელმწიფომ და კიდევ სხვადასხვა ბოევიკურმა დაჯგუფებებმა ეგვიპტის უშიშროების ძალებს სასიკვდილო ომი მას შემდეგ გამოუცხადეს, რაც 2013 წელს სამხედრო გადატრიალების შედეგად პრეზიდენტი მოჰამედ მორსი დაემხო.
ჯერჯერობით მომხდარზე პასუხისმგებლობა არავის აუღია, ასევე ინფორმაცია დაღუპულების შესახებ არ გავრცელებულა.
