ტაიფუნმა "გონმა" ფილიპინებს გადაუარა, თუმცა ძლიერმა ქარმა, მოსალოდნელია საფრთხე ისევ შექმნას. აღნიშნულ ინფორმაციას ABCNEWS ავრცელებს.
გამოცემის ინფორმაციით, სამდღიანი გადაუღებელი წვიმისა და ქარიშხლის შედეგად მთიან სოფლებში მეწყერი ჩამოწვა, ხოლო დაბლობი დაიტბორა, რის გამოც 5 000-ზე მეტი მოსახლე იძულებული გახდა სახლიდან გაქცეულიყო.
სტიქიის გამო, ავიარეისები და საბორნე ვიზიტები გაუქმდა.
ამ დროისთვის გავრცელებული ინფორმაციის თანახმად, სტიქიის შედეგად ბენგუეთის პროვინციაში ჩამოწოლილ მეწყერს 10 ადამიანი ემსხვერპლა, ხოლო 2 დაკარგულად ითვლება.
ადგილობრივი ხელისუფლების განცხადებით, სტიქიის ზონაში მაღაროა, სადაც მოსალოდნელია მეწყერის ჩამოწოლის დროს მუშები ყოფილიყვნენ.
"კარდაკარ დავდივართ და ვამოწმებთ მეწყერის ჩამოწოლამდე მუშებმა დატოვეს ტერიტორია თუ ისინი ჩამოწოლილ მეწყერში მოყვნენ,"_განაცხადა ბენგუეტის გუბერნატორმა, ნესტორ ფონგვანმა.
როგორც ცნობილია, 5 400-ზე მეტი ადამიანი ექვს თავშესაფარშია გადანაწილებული. სამაშველო-სამძებრო სამუშაოები დაწყებულია.
ჯერჯერობით უცნობია, სტიქიის შედეგად ფილიპინებს თუ რა რაოდენობის ზარალი მიადგა.
