ივან კამპო.
თმახუჭუჭა ივანი ცნობილი 1997 წელს გახდა, როდესაც იგი ექტორ რაულ კუპერმა "მალიორკაში" სათამაშოდ მიიწვია. ამას მოჰყვა მისი დებიუტი ესპანეთის ნაკრებში, რომელთან ერთადაც მან სრული ფიასკო განიცადა 1998 წლის მსოფლიოს ჩემპიონატზე. ფრანგული მუნდიალის შემდეგ, კამპო მადრიდის "რეალის" ინტერესის სფეროში მოექცა და სულ მალე მოირგო კიდეც "ლოს ბლანკოს" თეთრი მაისური, თუმცა იქაურ გულშემატკივარში იგი არ სარგებლობდა ავტორიტეტით და ოთხი მეტ-ნაკლები წარმატებული სეზონის შემდეგ იგი ნისლიან ალბიონზე, "ბოლტონში" სათამაშოდ გადავიდა. ივან კამპომ კარიერა 2010 წელს კვიპროსულ "აეკში" დაასრულა.
კარლოს ტევესი
არგენტინელი ფეხბურთელი, რომელმაც სახელი ბრაზილიურ "კორინთიანსში" თამაშით და თავისი ბრუტალური იარებით მიიპყრო. მისი "საფირმო" იარა მან ცხრა თვის ასაკში მიიღო, მას შემდეგ, რაც მშობლების დაუდევრობის შედეგად მდუღარე წყალი გადაესხა სხეულზე. 31 წლის ტევესი ამჟამად ისტორიულ სამშობლოში ასპარეზობს და "ბოკა ხუნიორსის" ღირსებას იცავს.
ფრანკ რიბერი
თუკი რომელიმე ფეხბურთელს შესთავაზებენ მთავარ როლს საშინელებათა ჟანრის ფილმში, რიბერი იქნება ის, ვინც ამ როლს გრიმის გარეშე შეასრულებს და შოკში ჩააგდებს მაყურებელს. რიბერის გარეგნობაზე იმდენი თქმულა და დაწერილა, რომ მისი ცხოვრების შესახებ საინტერესო ფილმის გადაღებაა შესაძლებელი. მიუხედავად იმისა, რომ მას ავტოკატასტროფაში მიღებული იარების მოშორება პლასტიკური ოპერაციის საშუალებით შესთავაზეს, რიბერიმ უარი თქვა და განაცხადა, რომ ეს იარები მას ძალას ჰმატებენ.
ტრიფონ ივანოვი
ბულგარელმა მცველმა თავისი გრძელი თმითა და მუდმივი წვერით დაამახსოვრა თავი გულშემატკივარს. ივანოვს ბულგარელები იმიჯის გამო "მგელს" უწოდებდნენ, ხოლო ვებ-გვერდმა "Goal.com" იგი ათ ყველაზე ასაკოვანი იერის მქონე ფეხბურთელს შორის მოიხსენია. ტრიფონი ხრისტო სტოიჩკოვთან და კრასიმირ ბალაკოვთან ერთად 90-იანი წლების ბულგარეთის ნაკრების უცვლელი წევრი იყო, რომელმაც 1994 წლის მსოფლიოს ჩემპიონატზე მე-4 ადგილი დაიკავა.
იან დოუი
ინგლისში ნამდვილი ამბავია, რომ წინა საუკუნის 90-იანი წლების შუა პერიოდში ონავარ ბავშვებს იან დოუის ფოტოთი აშინებდნენ და აიძულებდნენ დაძინებას. საუბარია "საუთჰემპტონისა" და "ვესტჰემის" ფეხბურთელზე, რომელიც ბრიტანული გაზეთ "The Sun" ვერსიით, თანამედროვეობის ყველაზე მახინჯი ფეხბურთელია.
