საქართველოს ეკონომიკისა და მდგრადი განვითარების ახალი მინისტრი დიმიტრი ქუმსიშვილი, რომელიც ამ დრომდე თბილისის ვიცე-მერის პოსტს იკავებდა 7 ბინის, 3 მიწის ნაკვეთის და საცხოვრებელი სახლის მფლობელია.
როგორც ქუმსიშვილის 2015 წლის 14 იანვარს შევსებულ დეკლარაციაშია აღნიშნული, ის ფლობს 24.00 კვ.მ-ის ფართობის ბინას თბილისში, თამარ მეფის გამზირზე; ამავე მისამართზე 34 კვ.მ-ის ფართობის მეორე ბინას; თბილისში, ჟიული შარტავას ქუჩაზე 189.00 კვ.მ-ის ფართობის ბინას და თბილისში, ჯიქიას ქუჩაზე მდებარე 91.00 კვ.მ-ის ფართობის ბინას.
ასევე, დიმიტრი ქუმსიშვილის მფლობელობაშია საცხოვრებელი სახლი თბილისში, ლამისყანის ქუჩაზე, რომლის ფართობი 312.00 კვ.მ-ია.
ქუმსიშვილის საკუთრებაშია თბილისში, ლამისყანის ქუჩაზე 451.00 კვ.მ-ის ფართობის მიწის ნაკვეთი და თბილისში, თამარ მეფის გამზირზე მდებარე 20.00 კვ.მ-ის ფართობის ავტოფარეხი.
რაც შეხება მის მეუღლეს ნატალია თევდორაშვილს, ის ფლობს თბილისში, გიორგი ბრწყინვალეს ქუჩაზე მდებარე 55.00 კვ.მ-ის ფართობის ბინას, თბილისში, ქავთარაძის ქუჩაზე 58.00 კვ.მ-ის ფართობის ბინას. ასევე, მის მფლობელობაშია დაბა წყნეთში, ე.წ. "ნუშის ბაღის" ტერიტორიაზე 603.00 კვ,მ-ის ფართობის მიწის ნაკვეთი და ამავე ტერიტორიაზე მდებარე მეორე მიწის ნაკვეთი, რომლის ფართობიც 604.00 კვ.მ-ია.
კიდევ ერთი – 40.00 კვ.მ-ის ფართობის ბინა, თბილისში, ვაჟა-ფშაველას გამზირზე დიმიტრი ქუმსიშვილის შვილის, იოსებ ქუმსიშვილის საკუთრებაშია (50%).
როგორც დეკლარაციაშია აღნიშნული, დიმიტრი ქუმსიშვილის საკუთრებაშია 2006 გამოშვებული მსუბუქი ავტომანქანა მერსედეს ბენცი; ხოლო მისი მეუღლე ნატალია თევდორაშვილი ფლობს 2006 წელს გამოშვებულ მსუბუქ ავტომანქანა ჰუნდაი ტუსონს.
რაც შეეხება ოჯახის ფინანსურ მდგომარეობას, დეკლარაციის შევსების მომენტში დიმიტრი ქუმსიშვილის ანგარიშებზე 9514 დოლარი, 7095 ლარი და 5 ევრო იყო.
კერძოდ, ბანკი "ქართუს" დეპოზიტზე ქუმსიშვილს 1000.00 USD დოლარი, ამავე ბანკის სახელფასო ანგარიშზე 7094.00 ლარი, მიმდინარე ანგარიშზე 5.00 ევრო, 140.00 დოლარი და 1.00 ლარი ჰქონდა.
მის მეუღლეს, ნატალია თევდორაშვილს "თი–ბი–სი ბანკი" ანაბარზე 26604.00 დოლარი, ამავე ბანკის დეპოზიტზე 6842.00 ევრო, ბანკი "ქართუს" მიმდინარე ანგარიშზე კი 20.00 დოლარი ჰქონდა.
გარდა ამისა, ქუმსიშვილს ნაღდი ფულის სახით ჰქონდა 5000 დოლარი.
რაც შეეხება ოჯახის შემოსავლებს, რომელიც მათ ერთი წლის განმავლობაში მიიღეს, დეკლარაციის მიხედვით ასე გამოიყურება:
დიმიტრი ქუმსიშვილმა შპს "რეშენალ სოლუშენსიდან" (საქართველო, თბილისი, ვაზისუბანი, კორპუსი 20, ბინა 71), რომლის პარტნიორიც2012 წლიდან არის, 19475.00 ლარის შემოსავალი მიიღო.
რაც შეეხება შპს ავტოსერვისსა (პარტნიორი) და შპს საქართველოს აეროპორტების გაერთიანებას, რომლის სამეთვალყურეო საბჭოს თავმჯდომარეა შემოსავალი მიღებული არ აქვს.
საქართველოს ეკონომიკისა და მდგრადი განვითარების მინისტრის პირველი მოადგილის თანამდებობიდან მან 86775.00 ლარის შემოსავალი მიიღო. მისმა მეუღლემ, ნატალია თევდორაშვილმა კი, რომელიც შ.პ.ს "მიტარბი 2010"-ის კონსულტანტია 2614.00 ლარი.
დეკლარაციის მიხედვით, დიმიტრი ქუმსიშვილს საცხოვრებელი სახლის მშენებლობაში წილობრივი მონაწილეობის შესახებ 60 000 დოლარიანი ნასყიდობის ხელშეკრულებით ნაკისი ვალდებულებებისთვის (ხელშეკრულების ვადა 18/10/2006, 18/10/2006 – 31/12/2015), 10901.00 ლარის გასავალი ჰქონდა.
ბანკი "ქართუდან" აღებული 59000.00 დოლარიანი იპოთეკური სესხის პროცენტის დასაფარად 20000.00 დოლარის გასავალი (ხელშეკრულება უძრავი ქონების შესაძენად 29/12/2014 წელს დაიდო და ვადა 29/12/2024 -ში ეწურება).
ასევე, ქუმსიშვილმა კიდევ ერთი ნასყიდობის ხელშეკრულება ჯიქის ქუჩაზე მდებარე ბინის შესაძენად დადო, რომლის ღირებულებად დეკლარაციაში 59000.00 დოლარია მითითებული.
დიმიტრი ქუმსიშვილი თამასუქის სარგებლიდან ერთი წლის განმავლობაში 2279.00 დოლარის შემოსავალი მიიღო. შვილების, სწავლის საფასურის გადასახდელად 7500.00 ლარის გასავალი ჰქონდა. ხოლო ქუმსიშვილის მეუღლემ, ნატალია თევდორაშვილმა დეპოზიტზე დარიცხული შემოსავლის – 2246.00 დოლარის სარგებელი მიიღო.
