კურორტ ბახმაროში დავალიანების გამო გამორთული ელექტროენერგიის მიწოდება აღსდგა. ჩოხატაურის მუნიციპალიტეტის გამგებლის ირაკლი კუჭავას ინფორმაციით, კომპანია "ენერგო პრო ჯორჯიასთან" მიღწეული შეთანხმების თანახმად, კურორტს საღამოს საათებში ელექტროენერგია არ გაეთიშება:
_ "ენერგო პრო ჯორჯიასთან" გვქონდა მოლაპარაკებები, რომელშიც აქტიურად იყო ჩართული გურიის გუბერნატორი და მივაღწიეთ შეთანხმებას. ელექტროენერგია საღამოს საათებში ირთვება იმ ტრანსფორმატორებზეც კი, სადაც ამ დროის მონაცემებით დავალიანება ირიცხება. ასევე, შევთანხმდით, რომ აქედანვე დავიწყოთ ორგანიზაციული საკითხების მოგვარება იმისთვის, რომ მომავალ სეზონზე მსგავსი პრობლემები თავიდან ავიცილოთ, _ გვითხრა კუჭავამ.
შეგახსენებთ, რომ კურორტ ბახმაროს დამსვენებელი გათიშული ელექტროენერგიის ჩართვას რამდენიმე დღის განმავლობაში ითხოვდა.
იხილეთ მასალა ვისი წერილის საფუძველზე და რატომ შეუწყვიტეს ბახმაროს დამსვენებელს ელექტროენერგია.
