ინდოეთში ყველაზე მტკივნეული პრობლემის, გაუპატიურების მზარდ სტატისტიკას პოლიტიკოსები ყველაზე აბსურდულ განმარტებებს უძებნიან.
აღნიშნულ ინფორმაციას GLOBAL POST ავრცელებს.
გამოცემის ინფორმაციით, ინდოელ პოლიტიკოსებს მიაჩნიათ, რომ ქვეყანაში ძალადობის შემთხვევების ზრდას ხორცი, ჩინური საკვები, ტელეფონები და ლურჯი ჯინსები იწვევს.
ინდოეთის სახელმწიფო მინისტრი მიიჩნევს, რომ როცა მამაკაცი ხორცს ჭამს გაუპატიურებაზე იწყებს ფიქრს.
"ადამიანები, რომლებიც ვეგეტარიანული საკვებით არ იკვებებიან და ქათმის ან თევზის ხორცს მიირთმევენ, შემთხვევით შემხვედრების გადაკიდებასა და გაუპატიურებაზე იწყებენ ფიქრს," _ აცხადებს ბიჰარი.
გარდა ამისა, ბიჰარმა სტუდენტებს ტელეფონების გამოყენებაც აუკრძალა.
"ბევრი სტუდენტი მობილური ტელეფონის მეშვეობით უხამს სიმღერებს ისმენს და ფილმებს უყურებს, რაც მათ აზროვნებას აბინძურებს," _ აცხადებს მინისტრი.
ადგილობრივმა ლიდერმა, ჯითენდერ ჩჰატარმა კი განაცხადა, რომ ჩინური საკვები უნდა შეიზღუდოს.
"ვფიქრობ, სწრაფი კვების ობიექტები გაუპატიურების შემთხვევებს ხელს უწყობენ, რადგან მჟავე საკვები ორგანიზმში ჰორმონალურ დისბალანსს იწვევს და ადამიანი თამამდება მსგავსი ქმედების ჩასადენად," _ ამბობს ჩჰატარი.
GLOBAL POST-ის ინფორმაციით, ზოგიერთ ინდოელ ლიდერებს მიაჩნიათ, რომ ტრადიციული ინდური სამოსი მამაკაცებს ქალების გაუპატიურებისკენ არ უბიძგებთ, მაგრამ ჯინსები დიდ როლს ასრულებენ.
რელიგიური ლიდერი, ნისჩალანანდა სარასვატი ქვეყანაში ქალების მიმართ დამოკიდებულების ცვლილებას დასავლეთიდან შემოსულ მორალსა და მოდას აბრალებს.
"საზარელი ინციდენტები უეცრად არ ხდება. ისინი, ცივილიზაციისა და განვითარების სახელით დასავლეთის მოდის შემოჭრამ გამოიწვია," _ ამბობს რელიგიური ლიდერი.
მიუხედავად იმისა, რომ სამი ან ოთხი გაუპატიურების შემთხვევა, სტატისტიკის მიხედვით, ინდოეთის სოფლებში ხდება,პოლიტიკური ლიდერების ნაწილი ძალადობრივი ქმედებების ზრდას ქალაქს აბრალებენ.
"წადით ქვეყნის სოფლებსა და ტყეებში, იქ მსგავსი დანაშაული არ ხდება," _ აცხადებს ინდოეთის მემარჯვენე ორგანიზაციის ლიდერი, მოჰან ბჰაგვატი.
ყოფილი აღმასრულებელი მინისტრი, უტა პრადეში კი მოძალადეების სიკვდილით დასჯის გადაწყვეტილებას გამოეხმაურა.
"მამაკაცები შეცდომებს უშვებენ, მაგრამ როდესაც გოგოსა და ბიჭს შორის მეგობრობა მთავრდება, გოგონა უჩივის, რომ ის გააუპატიურეს," _ ამბობს უტა პრადეში.
რეგიონული პოლიტიკოსი აბუ აზმი კი მიიჩნევს, რომ ქორწინების გარეშე სექსუალური ურთიერთობის გამო კაციც და ქალიც უნდა ჩამოახრჩონ.
"გათხოვილი ქალები, რომლებიც სხვამ გააუპატიურა, ქორწინების გარეშე სექსუალური ურთიერთობის გამო უნდა დაისაჯონ. ნებისმიერი ქალი, გათხოვილი თუ გაუთხოვარი,რომელიც მარტო მიდის კაცთან ერთად თავისი სურვილით, თუ სურვილის საწინააღმდეგოდ, უნდა ჩამოახრჩონ."_აცხადებს ის.
როგორც ცნობილია, ინდოეთში პოპულარული პორნო ვარსკვლავი სანი ლეონე, ქვეყანაში უზნეობის და ძალადობისკენ სწრაფვაში მას შემდეგ დაადანაშაულეს, რაც მისი მონაწილეობით ფილმები გამოჩნდა.
გავრცელებული ინფორმაციით, ინდოეთში მალე პრეზერვატივის რეკლამაც აიკრძალება, რომელშიც ლეონე მონაწილეობს.
კომუნისტური პარტიის წევრმა, ატულ ანიანმა კი, თავისი განცხადების გამო სოციალური მედიის აღშფოთება გამოიწვია.
"ეს არის ბინძური და ამაზრზენი რეკლამა, რომელიც ადამიანს აზროვნების უნარს უკარგავს და სქესობრივი აქტისკენ სწრაფვას უღვივებს. მსგავსი რეკლამები ძალადობისა და გაუპატიურების პროვოცირებას ხელს უწყობს," _ განაცხადა მან.
