ამერიკული ბანკები იყიდება

  ამერიკის ფინანსური სექტორის კონსოლიდაცია უცხოური ფინანსური ინსტიტუტების მონაწილეობით მიმდინარეობს. ამის დასტურია კანადური ბანკის, "ბენკ ოფ მონრეალის" მიერ ამერიკული რეგიონული ბანკის, "მარშალ ენდ ისლის" შესყიდვა. გარიგება 4 მილიარდი დოლარი დაჯდა.

მეორე კანადურმა "ტორონტო დომინიონ ბანკმა" განაცხადა, რომ "კრაისლერ ფაინენშლ ბანკის" ყიდვას აპირებს. ეს გარიგება 6,3 მილიარდი დოლარი ეღირება.

საინვესტიციო ბანკის, "კეი ბი ვის" ანალიტიკოსების მონაცემებით, ამერიკაში ამჟამად 26 ფინანსური ინსტიტუტი უკვე გამზადებულია გასაყიდად. წინააღმდეგ შემთხვევაში, მათ გაკოტრება ემუქრება. ექსპერტების აზრით, ამერიკის დასუსტებულ ბანკებს, უპირველესად, უცხოელი კონკურენტები იყიდიან. ამ მხრივ მათ შორის ლიდერები კანადელები და ესპანელები არიან.

ექსპერტების თქმით, ამერიკის ბანკების ყველაზე რეალური მყიდველები კანადელები არიან, რომლის ფინანსური სექტორი ამჟამად ყველაზე სტაბილურია მსოფლიოში.