4 მიწის ნაკვეთი, საცხოვრებელი სახლი, აგარაკი და 28 საბანკო ანგარიში, სადაც საერთო ჯამში 528 397დოლარი, 942 367 ევრო, 30 ლარი და 3178 ბელარუსული რუბლია – ფინანსური ზედამხედველობის სააგენტოს საბჭოს ახლადარჩეულ თავმჯდომარეს ირაკლი კოვზანაძეს ეკუთვნის.
კოვზანაძეს ფინანსური დეკლარაცია 2015 წლის 25 მარტს აქვს შევსებული, მაშინ, როდესაც მას საპარტნიორო ფონდის აღმასრულებელი დირექტორის თანამდებობა ეჭირა.
დეკლარაციის მიხედვით, კოვზანაძე არის 100%-იანი წილის მფლობელი თბილისში, ვ. ჯორბენაძის ქუჩაზე მდებარე, 826.00 კვ.მ-ის ფართობის საცხოვრებელი სახლის, ამავე ქუჩაზე მდებარე ორი მიწის ნაკვეთის, რომელთა ფართობები 591.00 კვ.მ და 180.00 კვ.მ-ია.
ასევე, დაბა წყნეთში, გორგასალის ქუჩაზე მდებარე 181.14 კვ.მ-ის ფართობის აგარაკის და ამავე მისამართზე 1010.00 კვ.მ-ის მიწის ნაკვეთის მფლობელი.
გარდა ამისა, კოვზანაძე ფლობს მიწის ნაკვეთი გარდაბნის რ-ნში, ფონიჭალაში, რომლის ფართობი – 1500.00 კვ.მ-ია.
უძრავ-მოძრავი ქონების გრაფაში, არსებული ნივთების ჩამონათვალიც საკმაოდ სოლიდურია, რომელთა ღირებულება 10 ათას ლარს აღემატება.
კონკრეტულად კი, კოვზანაძის საკუთრებაშია 2008 წელს გამოშვებული მსუბუქი ავტომანქანა MERCEDES-BENZ ML350, მისი მეუღლე ქეთევან ტომარაძე კი ფლობს 2007 წელს გამოშვებულ მსუბუქი ავტომანქანა Toyota Corolla-ს.
კოვზანაძის საკუთრებაშია სურათების კოლექცია, რომელიც მას მიღებულია მემკვიდრეობით ვიქტორ (ბუცა) ჯორბენაძისაგან 1999-2000 წლებში აქვს მიღებული.
კოვზანაძე ასევე ფლობს ანტიკვარულ ავეჯს, ნოხებს და ალვანურ თექებს, ანტიკვარული სერვისს, ვაზებს და კედლის თეფშებს, ანტიკვარული ჭაღებს, ბიბლიოთეკას. თითოეული ნივთის ღირებულება 10 ათას ლარზე მეტია.
გარდა ამისა, ირაკლი კოვზანაძის საკუთრებაშია "საქართველოს ბანკში" არსებული 5537 ერთეული აქცია, რომელთა ფასი დეკლარაციის მიხედვით, 1.00 ლარია.
დეკლარაციის მიხედვით, ირაკლი კოვზანაძის სახელზე სხვადასხვა ბანკში 28 ანგარიშია გახსნილი. ამ ანგარიშებზე კი საერთო ჯამში 528 397დოლარი, 942 367 ევრო, 30 ლარი და 3178 ბელარუსული რუბლი აქვს.
კერძოდ, ირაკლი კოვზანაძეს თი–ბი–სი ბანკის საბარათე ანგარიშზე (ოვერდრაფტით) 3304.55 დოლარი ერიცხება, ამავე ბანკის მეორე საბარათე ანგარიშზე (ოვერდრაფტით) 3000.93 დოლარი, თი–ბი–სი ბანკის შემნახველ ანგარიშზე 20761.45 ევრო, მეორე შემნახველ ანგარიშზე 3013.58 დოლარი, ანაბრებზე – 103224.65 ევრო, 76649.97 დოლარი, 59382.55 ევრო, 74562.88 დოლარი, 53616.10 ევრო, 84894.23 დოლარი, 32976.17 დოლარი, 47735.95 ევრო, 100000.00 დოლარი, 35801.98 დოლარი, 50000.00 დოლარი, 73042.33 ევრო, 436461.48 ევრო, 54000.00 დოლარი, 82382.32 ევრო, 32967.78 ევრო;
Deutsche Bank-ის შემნახველ ანგარიშზე 5141.38 ევრო, ამავე ბანკის მიმდინარე ანგარიშზე კი, 24.79 ევრო;
РРБ – Банк-ის მიმდინარე ანგარიშზე 3178.00 ბელარუსული რუბლი, ამავე ბანკის მიმდინარე ანგარიშზე 50.42 დოლარი და 5.64 ევრო.
ლიბერთი ბანკის საბარათე ანგარიშზე 30.00 ლარი, საქართველოს ბანკის მიმდინარე ანგარიშზე 148.63 დოლარი.
მისი მეუღლის, ქეთევან ტომარაძის საკუთრებაში კი, დეკლარაციის შევსების მომენტში პროკრედიტ ბანკის მიმდინარე ანგარიშზე 38 ლარი, თი–ბი–სი ბანკის საბარათე ანგარიშზებზე (ოვერდრაფტით) 1488.39 ლარი, 760.00 ლარი, 2970.00 ლარი იყო; ბაზის ბანკის საბარათე ანგარიშზე 1207.55 ლარი, ამავე ბანკის მეორე საბარათე ანგარიშზე კი, 919.73 ლარი (დებეტი(-).
რაც შეეხება ნაღდ ფულად თანხას, დეკლარაციის შევსებისას ქეთევან ტომარაძეს 10000.00 დოლარი ჰქონდა.
დეკლარაციაში ასევე მითითებულია, რომ ირაკლი კოვზანაძეს სს რეკონვერსიისა და განვითარების ბანკიდან (РРБ – Банк, ბელორუსი, ქ. მინსკი), სადაც მას დირექტორთა საბჭოს დამოუკიდებელი წევრის თანამდებობა ეჭირა (22/02/1994 29/05/2009 – 01/04/2015) 28859.00 ევროს შემოსავალი აქვს მიღებული.
სს საპარტნიორო ფონდი აღმასრულებელი დირექტორის თანამდებობიდან მან 336000.00 ლარის შემოსავალი მიიღო; სსიპ ივ. ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტი სრული პროფესორის თანამდებობიდან კი, სადაც მას ფინანსებისა და საბანკო საქმის კათედრის გამგის პოსტი ეჭირა 25207.35 ლარი.
მისი მეუღლის, ქეთევან ტომარაძის შემოსავალი კი ერთი წლის განმავლობაში სს პროკრედიტ ბანკის ვაჭრობის ფინანსირების სპეციალისტის თანამდებობიდან 33535.00 ლარი იყო.
გარდა ამისა, ოჯახის შემოსავლის გრაფაში ასევე მითიტებულია, რომ ირაკლი კოვზანაძემ საცხოვრებელი სახლის (მიწის ნაკვეთით) გაქირავებიდან (99 900.00-დოლარიანი იჯარის ვადა 02/07/2012, 01/09/2012 – 31/08/2017) 173975.85 ლარის შემოსავალი მიიღო.
რაც შეეხება ოჯახის ფინანსურ ხარჯებს, დეკლარაციის მიხედვით ქეთევან ტომარაძემ საშემოსავლო გადასახადისთვის 6707.00 ლარის გასავალი ჰქონდა, ირაკლი კოვზანაძეს საშემოსავლო გადასახადებისთვის კი – 105397 ლარის გასავალი; წიგნის ბეჭდვისთვის კოვზანაძემ 6520.00 ლარი გადაიხადა.
რაც შეეხება ირაკლი კოვზანაძის სხვა შემოსავლებს, დეკლარაციაში აღნიშნულია, რომ მან ანაბრის სარგებლიდან შემოსავლის სახით 50400.55 დოლარი და 41837.36 ევრო აქვს მიღებული; დივიდენდიდან შემოსავალი კი, 3714.24 გირვანქა სტერლინგი.
ამავე თემაზე:
ფინანსური ზედამხედველობის სააგენტოს საბჭოს თავმჯდომარედ ირაკლი კოვზანაძე აირჩიეს
