“ამ ნაბიჯით ხელისუფლებამ სასიკვდილო განაჩენი გამოიტანა”

ქიბარ ხალვაში ეს არის სახელმწიფო და სახელმწიფო დგას მის მხარეს, _ ამის შესახებ სამაუწყებლო კომპანია "რუსთავი 2"-ის დირექტორმა ნიკა გვარამიამ გამართულ ბრიფინგზე განაცხადა.

როგორც გვარამიამ აღნიშნა, რუსთავი 2-ის წინააღმდეგ მიმათული კამპანიისას დადასტურდა, რომ ქიბარ ხალვაში იბრძვის ტელეკომპანიის წინააღმდეგ და მას მხარს სახელმწიფო უჭერს.

"ყველაზე ირონიული და ცინიკური არის ის, რომ ეს გადაწყვეტილება გამოიტანა იგივე მოსამართლემ, თამაზ ურთმელიძემ, რომელიც არის ქართული სასამართლო სისტემის სირცხვილი. როემლიც იბრძვის საქართველოში თავისუფალი მედიის წინააღმდეგ; რომელიც იბრძვის თავისი შვილების, ყველა აქ მდგომი და ეკრანთან მყოფი ადამიანის შვილების წინააღმდეგ. ის ბიძინა ივანიშვილის დაქირავებული მოსამართლეა და დიდი ალბათობით ის კორუფციულ გარიგებაშია ჩართული და აღებული აქვს დიდი რაოდენობით თანხა იმისათვის, რომ ასეთი გადაწყვეტილებები გამოიტანოს. მოსამართლე ურთმელიძის ფეხებქვეშ მიწა აუცილებლად დაიწვება. ის ვერ იპოვის ამ ქვეყანაში თავშესაფარს ვერასდროს იმიტომ, რომ ღუპავს ქვეყნის მომავალს, ღუპავს ქვეყანაში თავისუფალ სიტყვას და დემოკრატიას და ხელისუფლებას, რომელსაც ემსახურება. ამ ნაბიჯით ხელისუფლებამ სასიკვდილო განაჩენი გამოიტანა. მან საკუთარი ხელით "რუსთავი 2" დახურა. ის, როგორ მოვიქცევით ჩვენ, ვიმუშავებთ თუ არა უფასოდ, მოვიზიდავთ თუ არა გრანტებს, ჩვენი შემოსავალი გაიზრდება თუ არა, ეს იქნება მხოლოდ ჩვენი დამსახურება. და ჩვენ შეგვიძლია ამის გაკეთება" , _ განაცხადა გვარამიამ.