ოზურგეთის მუნიციპალიტეტის სოფელ ნასაკირალში ისევ დაძაბულობაა. საჯარო სკოლის პედაგოგები, მშობლები და მოსწავლეები გაფიცულები არიან და როგორც ამბობენ, საგაკვეთილო პროცესს მანამ არ განაახლებენ, სანამ განათლების სამინისტრო დირექტორს სპარტაკ გოგიტიძეს თანამდებობაზე არ აღადგენს.
აქციაზე იმყოფება ოზურგეთის საგანმანათლებო რესუსრცენტრის ხელმძღვანელი ლელა იმედაშვილი:
_ გაფიცულებს მათი მოთხოვნის შესაბამისად ვხდები. ამბობენ, რომ საგაკვეთილო პროცეს არ აღადგენენ, თუკი დირექტორი არ დაბრუნდება. ვუხსნი, რომ ამ პრობლემის მოგვარების ერთადერთი გზა სასამართლოა, _ აღნიშნა იმედაშვილმა ჩვენთან საუბრისას.
ლელა იმედაშვილი დღეს ჩვენი გადაცემის სტუმარი იქნება და ამ თემის დეტალებზე მოგვიანებით ვრცლად გიამბობთ.
შეგახსენებთ, რომ ოზურგეთის მუნიციპალიტეტის დაბა ნასაკირალის მოსახლეობა, საჯარო სკოლის მოსწავლეები, მათი მშობლები და პედაგოგები, საჯარო სკოლის დირექტორის სპარტაკ გოგიტიძის გათავისუფლებას, დაბა ნასაკირალის ცენტრში გუშინაც აპროტესტებდნენ.
საჯარო სკოლის დირექტორს ამავე სოფელში მცხოვრები ამირან შავაძის ოჯახი რამდენიმე თვის წინ დაუპირისპირდა და გოგიტიძის გათავისუფლება მოითხოვა.
ოზურგეთის საგანმანათლებლო რესურსცენტრის ხელმძღვანელის ლელა იმედაშვილის განცხადებით საქართველოს განათლებისა და მეცნიერების მინისტრის ბრძანების შესაბამისად, შიდა აუდიტის დეპარტამენტის მიერ მომზადებული დასკვნის საფუძველზე ოზურგეთის მუნიციპალიტეტის დაბა ნასაკირალის საჯარო სკოლის დირექტორს სპარტაკ გოგიტიძეს შეუწყდა შრომითი ურთიერთობა.
გუშინ, მოსახლეობასა და ამირან შავაძის ოჯახს შორის შორის ფიზიკური დაპირისპირება მოხდა.
ადგილზე მობილიზებული იყო სამართალდამცავები, აუცილებელი გახდა სასწრაფო სამედიცინო დახმარების მანქანის გამოძახებაც.
ამავე თემაზე: რა მოხდა დაბა ნასაკირალში – ვიდეოკადრები შემთხვევის ადგილიდან
