ევროკავშირმა კონდრაბანდისტებთან ბრძოლის ახალი ოპერაცია სახელწოდებით "სოფია" დაიწყო. აღნიშნულ ინფორმაციას BBC ავრცელებს.
მაუწყებლის ცნობით,ოპერაცია მიზნად ისახავს მიგრანტების უკანონოდ გადაყვანაში ჩართული პირების დაკავებას, ხოლო საეჭვო ნავებისა და კატარღების ჩაძირვას.
როგორც ცნობილია, სირიაში მიმდინარე სამოქალაქო ომის გამო წელს ევროპის საზღვარი 130 000-ზე მეტმა მიგრანტმა გადმოკვეთა, თუმცა 2 700-ზე მეტი ხმელთაშუა ოკეანეში დაიხრჩო.
მიგრანტების კრიზისზე გერმანიის კანცლერმა ანგელა მერკელმა და საფრანგეთის პრეზიდენტმა ფრანსუა ოლანდიმ ერთობლივად მიმართეს ევროპარლამენტს სტრასბურგში.
როგორც ცნობილია, ევროპარლამენტში საფრანგეთისა და გერმანიის ლიდრების სიტყვით გამოსვლამდე ესპანეთის მეფემ, ფილიპე მეექვსემ, ევროპელებს მოუწოდა იმ ლტოლვილთა ნაკადის მიღებაზე, რომლებიც ევროპისკენ მოედინებიან.
"ასიათასობით ლტოლვილი ახლა ევროპისკენ მოემართება, იმ იმედით, რომ ევროპაში იპოვის სიმშვიდეს, სამართლიანობას და კეთილდღეობას. ჩვენ ვერ დავუშვებთ, რომ ამ ადამიანებს იმედი გაუცრუვდეთ. ჩვენ კეთილშობილები უნდა ვიყოთ,"_განაცხადა ესპანეთის მეფემ.
მაღალი რანგის მიგრაციის ექსპერტთა გაფრთხილებით, ევროკავშირის ოპერაცია, კრიმინალურ ბანდებთან მსგავსი მეთოდით ბრძოლა, შედეგს ვერ გამოიღებს.
"კატარღა არ არის კონტრაბანდის მიზეზი. ბირთვს იმ შემთხვევაში მივაგნებთ, თუ კრიმინალები ხელშეუხებლები დარჩებიან", _ განაცხადა მიგრაციის საერთაშორისო ორგანიზაციის წარმომადგენელმა, ეუგენიო ამბროსმა.
