ამ წუთებში. ქუთაისის სააპელაციო სასამართლოში პოლიციელების ცემაში მსჯავრდებული პირების სასამართლო პროცესი მიმდინარეობს.
საქმე ეხება 2014 წლის ოქტომბერში, მარტვილის რაიონის სოფელ ბანძაში მომხდარ შემთხვევას, რა დროსაც პოლიციის შენობიდან ხელბორკილებდადებული ბრალდებული თემურ გაბუნია გაიქცა. გამოძიების მტკიცებით, დაკავებულმა გაქცევა ნათესავების დახმარებით მოახერხა, რომლებიც განყოფილებაში მივიდნენ, პოლიციის თანამშრომლებს თავს დაესხნენ და მათ როგორც სიტყვიერი, ასევე ფიზიკური შეურაცხყოფა მიაყენეს. თუმცა, განსხვავებულ ვერსიაზე საუბრობენ თავად მსჯავრდებული პირები. მათი თქმით, პოლიციელები ალკოჰოლური ზემოქმედების ქვეშ იმყოფებოდნენ.
საქმეზე ბრალი 7 პირის წაუყენეს, აქედან ქალია – მაია და იამზე კეკელიები. პირველი ინსტაციის სასამართლომ, ზუგდიდში, 5 პირს პატიმრობა, ბრალდებულ ქალბატონებს კი, 3-3 ათას ლარიანი გირაო შეუფარდა.
თუმცა, მსჯავრდებულმა პირებმა და მათმა ადვოკატებმა ზუგდიდის რაიონული სასამართლოს მოსამართლის, ნატრული აკობიას მიერ გამოტანილი განაჩენი ქუათაისის სააპელაციო სასამართლოში გაასაჩივრეს.
დღეს, სასამართლო პროცესზე მსჯავრდებული პირების ნაწილმა და მათმა ადვოკატმა ტარიელ კაკაბაძემ საბოლოო სიტყვები თქვეს. სასამართლო პროცესი ორსაათნახევრის დაგვიანებით დაიწყო, რის გამოც, მოსამართლემ მიიღო გადაწყვეტილება, მსჯავრებულების ნაწილისთვის სასამართლოს შემდეგ სხდომაზე მოესმინა.
შეგახსენებთ, რომ აღნიშნულ საქმესთან დაკავშირებით, "გურია ნიუსს" რამდენიმე სტატია აქვს გამოქვეყნებული, სადაც დაწვრილებითაა აღწერილი პროცესის მიმდინარეობის შესახებ.
ამავე თემაზე:
როგორ გაიქცა დაკავებული – ნასვამი პოლიციელების წინდაუხედაობით თუ ნათესავების „ამბოხით“
პატრულის ცემისთვის ქალბატონებს მოსამართლემ განაჩენი გამოუტანა (ვიდეო)
"ადამიანის უფლებათა ცენტრი" სამართალდამცველთა მიერ ჩადენილი დანაშაულების დროულ გამოძიებას ითხოვს
პოლიციელების ცემაში ბრალდებული ქალის ღია წერილი
"შვიდ ადამიანს შვიდი წლით თავისუფლების აღკვეთისთვის გვწირავენ“
