რამდენი დანაშაული მოხდა იანვარიდან სექტემბრამდე

შინაგან საქმეთა სამინისტრო დანაშაულის სტატისტიკას აქვეყნებს, რომელიც მოიცავს სექტემბრის თვისა და მიმდინარე წლის იანვარ-სექტემბრის მონაცემებს. შსს-ს მიერ გამოქვეყნებული მონაცემების  მიხედვით, შეინიშნება დანაშაულის კლება წინა წლის იგივე პერიოდთან შედარებით.

საქართველოს ყველა საგამოძიებო უწყება მოიცავს საქართველოში არსებულ იმ სამინისტროების სტრუქტურაში შემავალ დანაყოფებს, რომლებიც თავიანთი ქვემდებარეობის მიხედვით აწარმოებენ გამოძიებას სისხლის სამართლის საქმეებზე, კერძოდ: საქართველოს მთავარი პროკურატურა, იუსტიციის სამინისტრო, თავდაცვის სამინისტრო, სასჯელაღსრულებისა და პრობაციის სამინისტრო, ფინანსთა სამინისტრო, შინაგან საქმეთა სამინისტრო.

2015 წლის სექტემბერი,  საქართველოს ყველა საგამოძიებო უწყება

2015 წლის სექტემბრის თვეში საქართველოს ყველა საგამოძიებო უწყების მიერ რეგისტრირებულ იქნა 3402 დანაშაული, რომელთაგან გაიხსნა 1529 დანაშაული. დანაშაულის გახსნის პროცენტია 44.94%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -5.24

2015 წლის სექტემბერი,  შსს–ს ტერიტორიული დანაყოფების საგამოძიებო ქვემდებარეობის მიხედვით

2015 წლის სექტემბრის თვეში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულ იქნა 2175 დანაშაული, რომელთაგან გაიხსნა 1340 . დანაშაულის გახსნის პროცენტია 61.61%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -10.35%.

2015 წლის იანვარ–სექტემბერი,  საქართველოს ყველა საგამოძიებო უწყება

2015 წლის იანვარ-სექტემბრის თვეებში საქართველოს ყველა საგამოძიებო უწყების მიერ რეგისტრირებულ იქნა 26452 დანაშაული, რომელთაგან გაიხსნა 15245. დანაშაულის გახსნის პროცენტია 57.63%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -4.48%.

2015 წლის იანვარ–სექტემბერი,  შსს ტერიტორიული დანაყოფების საგამოძიებო ქვემდებარეობის მიხედვით

2015 წლის იანვარ-სექტემბრის თვეებში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულ იქნა 18704 დანაშაული, რომელთაგან გაიხსნა 12582 დანაშაული. დანაშაულის გახსნის პროცენტია 67.27%. ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -5.47%.