გურიაში "ერთიანი ნაციონალური მოძრაობის" ოფისების იერსახე დღეს შელახეს. ამასთან დაკავშირებით ადგილობრივი ხელისუფლების მოსაზრებები "გურია ნიუსმა" უკვე გამოაქვეყნა.რას ფიქრობენ ოპოზიციური პარტიის წარმომადგენლები? – "თავისუფალი დემოკრატების" ოზურგეთის რაიონული ორგანიზაციის თავმჯდომარე ამბობს, რომ " ნაციონალური მოძრაობა" საქართველოს ცუდი წარსულია. ისინი, საზოგადოებაში იწვევენ დიდ გაღიზიანებას, ამიტომ არავის არ უნდა ჰქონდეს მათი ხელისუფლებაში დაბრუნების ილუზია. _ სამწუხაროდ, "ქართული ოცნების" ხელისუფლებამ ვერ შექმნა საზოგადოებაში სამართლიანობის აღდგენის განცდა. ეს, კიდევ უფრო ამძიმებს ვითარებას, ზოგადად არც ერთი სახის ძალისმიერი მეთოდი დემოკრატიული ქვეყნისათვის დამახასიათებელი არ არის და საზოგადოებისათვის მისაღები არ უნდა იყოს, ამიტომ თითოეული ჩვენთაგანის ამოცანაა, შევქმნათ ნორმალური პოლიტიკური რეალობა და დემოკრატიული არჩევნების გზით შევძლოთ ისეთი ხელისუფლების მოყვანა, სადაც სამართლიანად და რეალურად იქნება ასახული საზოგადოების განწყობები".- ამბობს თემურ სალუქვაძე.
"გაერთიანებული დემოკრატიული მოძრაობის" ოზურგეთის ორგანიზაციის თავჯდომარის, თამარ ნადირიძის თქმით, საზოგადოება "ნაციონალურ მოძრაობას" ბრალს დებს საკმაოდ მძიმე დანაშაულებში. " ქართული ოცნება" ხელისუფლებაში მოვიდა სამართლიანობის აღდგენის დაპირებით, მაგრამ მიუხედავად იმისა, რომ იგი სამი წელია ხელისუფლებაშია, არც სამართლებრივი და არც პოლიტიკური შეფასება რეჟიმისათვის არ მიუცია. მე როგორც ერთ ჩვეულებრივ მოქალაქეს მსურს კანონით დადგენილი წესით დანაშაულის დადასტურების შემთხვევაში მოხდეს დამნაშავების გასამართლება, ასევე მოვითხოვ საქართველოს პარლამენტმა პოლიტიკური შეფასება მისცეს იმას რაც ხდებოდა. ამის ნაცვლად ჩენ ვხედავთ კარებების აჭედვას, ლანძღვა გინებას და მოქალაქეების დაპირისპირებას. ცხადია, რომ ქართული ოცნებას ამის გარდა სხვა მექანიზმები ე.წ. სამართლიანობის აღდგენასთან დაკავშირებით არ გააჩნია რაც იმას ნიშნავს, რომ დროა წავიდეს ხელისუფლებიდან, ხალხს კი მოვუწოდებ გაერთიანდეს იმ პოლიტიკურ ძალის გარშემო ვის არსენალშიც სამართლიანობის აღდგენის და დაპირებების შესრულების ცივილური და ლეგიტიმური საშუალებები გააჩნია". – თქვა თამარ ნადირიძემ.
: გურიის გუბერნატორის მოადგილე: თითქოსდა მე წითელი საღებავებით შევღებე ოფისები, ეს არის აბსოლუტური აბსურდი; წარწერა "მკვლელები" და "ქათამი" საჯარო მოხელის ოჯახის საკუთრებაზე; შსს-მ ოფისების იერსახის დამახინჯებისთვის ფაქტების მოკვლევა დაიწყო; "ნაციონალური მოძრაობის" ოფისი ოზურგეთში წითლად გადაღებეს; ლანჩხუთში "ნაცმოძრაობის" ოფისზე წარწერები გააკეთეს; "მკვლელები, ქათმები" _ "ნაციონალური მოძრაობის ოფისს ჩოხატაურშიც "შეუტიეს"
