პარტია "საქართველოს გზის" საპატიო თავჯდომარე, საქართველოს ყოფილი საგარეო საქმეთა მინისტრი სალომე ზურაბიშვილი პრეზიდენტისა და პრემიერ-მინისტრის მიერ გუშინ გამოთქმულ შეფასებებს "ფეისბუკის" საკუთარ გვერდზე ეხმაურება და ორივე მათგანს პოლიტიკურ სიმწიფეს უწუნებს.
"ჩემს მიერ პრეზიდენტის განცხადების შესახებ გაკეთებულ კომენტარზე რეაქციებში, მთხოვენ პრემიერის გამოსვლაც გავაკომენტარო . მესმის რომ ამ ნიშნის მოგებით მიწვევენ რაღაც ორ მხარეს შორის კამათში. სულაც არ მერიდება და მგონი არ მახასიათებს ზედმეტი სიფრთხილე თუ მორიდება ხელისუფლების მიმართ !
პრემიერის დღევანდელი განცხადებები მიუთითებს მის სრულ პოლიტიკურ გამოუცდელობასა და უუნარობაზე !და გვიჩვენებს, რომ აზრზე არ არის რა შეიძლება თქვას მთავრობის მეთაურმა და რას ვერ იტყვის მტკიცებულებების გარეშე!
ეშლება რა პირადი პირისთვის დაშვებული თავისუფალი შეფასება და მას, როგორც პრემიერს, რისი უფლება გააჩნია. მისი პოლიტიკური პასუხისმგებლობის საკითხი ნორმალურ ქვეყანაში უსათუოდ დადგებოდა, მაგრამ ჩვენ რადგანც გაურკვეველ პოლოტიკურ წყობაში ვიმყოფებით, არავინ იცის ვინ (საპარლამენტო უმრავლესობამ, თუ გარეთ მყოფმა ივანიშვილმა თუ კიდევ თავად პრემიერმა) უნდა დააყენოს ეგ საკითხი. ფაქტია რომ თავისი გაუაზრებელი განცხადებებით პრემიერი თავის მთავრობას და კოალიციას ასუსტებს და წყალს უყენებს!
მაგრამ ეს არ ცვლის ქვეყანაში განვითარებულ მოვლენებს: თავიანთივე აღიარებით, "ნაციონალები" ცდილობენ ყველა არსებული ხერხით ვითარება დაძაბონ და არეულობა გამოიწვიონ ! სავარაუდოდ თავისთავს უკეთებენ იმას, რისი პრაქტიკული გამოცდილებაც გააჩნიათ ( შანტაჟები და სხვა) ან იმას, რითაც იმედოვნებენ უცხოელები შეაშფოთონ (პრეზიდენტის ბიბლიოთეკის გაფერადება) და ცდილობენ სამოქალაქო დაპირისპირების წინაპირობები შექმნან …. ვერ მოფიქრება პრევენციულ ზომების რათა მანიპულირების საშუალება გამოაცალო ხელიდან და პოლიტიკური საკუთარი ხედვის და სტრატეგიის არ არსებობა კი , არა მხოლოდ პრემიერის არამედ მთლიანად მმართველი კოალიციის სერიოზულ პოლიტიკურ კრახს მიუთითებს. ამითი თავიანთავს და სამომავლოდ საარჩევნო შანსებს აზარალებენ!
პრეზიდენტის განაცხადი კი სახელმწიფოს უქმნის სწორედ იმ საფრთხეს, რითიც გვემუქრებიან "ნაციონალები." სამოქალაქო დაპირისპირების წინასწარმეტყველება მორალურ დანაშაულად აღიქმება … სახელმწიფოს წინაშე!"-წერს სალომე ზურაბიშვილი.
