"სანამ ამ გველაძუებს, ერთი საშოდან რომ არიან გამომძვრალები, უკან არ შევაბრუნებთ, არაფერი არ ეშველება ამ ქვეყანას" _ ეს განცხადება რამდენიმე წუთის წინ, საპარლამენტო უმრავლესობის წევრმა ომარ ნიშნიანიძემ პარლამენტის სხდომაზე გააკეთა.
ნიშნიანიძე მიიჩნევს, რომ "ნაციონალური მოძრაობის" წევრებმა იმ დანაშაულებებზე, რომელსაც 9 წლის განმავლობაში ჩადიოდნენ პასუხი აუცილებლად უნდა აგონ.
"ჩვენ, მართლაც, გამოვიჩინეთ უნიათობა, რომ ეს ანტიქართული, ფაშისტური რეჟიმი არ გავასამართლეთ.
ამ უკუღმა დაბადებულებს, ყველა ერთი საშოდან რომ არიან გამომძვრალნი, თუ უკან არ შევაბრუნებთ, არაფერი არ ეშველება ამ ქვეყანას. დღეს ამ თვითმარქვია გველაძუებს აჩემებული აქვთ "მესიჯი“, რომ ჩვენ ვართ უნიათოები.
ამ მხრივ ისინი ნაწილობრივ შეიძლება, მართლაც, მართალნი არიან, რადგან ჩვენ არ დავემგვანეთ ამ უმგვანოებს და სარზე არ ჩამოვაცვით ისინი. ხოლო თუ უფრო სერიოზულად მივუდგებით საკითხს, სამწუხაროდ, ჩვენ, მართლაც, გამოვიჩინეთ უნიათობა, რომ ეს ანტიქართული, ფაშისტური რეჟიმი არ გავასამართლეთ და არ ავკრძალეთ მათ მიერ ჩადენილი სისტემური დანაშაულებისთვის, რომელსაც თუნდაც სამეგრელოს სამალავებში აღმოჩენილი კადრები ადასტურებს.
მეტიც, ჩვენ თავს მოხვეული კოჰაბიტაციით ცუდი სამსახური გავუწიეთ ქვეყანას, ხალხს და, როგორც ერთი ჩინური ანდაზა ამბობს: “უბეში ჩავისვით გაყინული გველი, რომელიც გავალღვეთ და ახლა ეს შხამიანი გველაძუები აქეთ იკბინებიან".
ჩვენ კი არ გადავეკიდეთ თვითმარქვია “ნაცებს”, ისინი გადაეკიდნენ ხალხს და 11 წელია სისხლს სწოვენ და სიცოცხლეს უმწარებენ. უფრო უტიფარი, უფრო ურცხვი, უფრო ანტიქართული ძალა, როგორც თვითგამოცხადებული “ნაციონალური მოძრაობაა”, ქართულ პოლიტიკურ სივრცეში არ არსებულა.
კოჰაბიტაციით გულანთებულები ვირთხებივით მოძვრებიან უკან და ყველა სახელისუფლებო ხვრელში ძვრებიან, რომ მერე შიგნიდან გამოხრან და გამოჭამონ ხელისუფლებაც და ქვეყანაც მთლიანად. მართლაც, საკმარისია, აივსო მოთმინების ფიალა – გასაკეთებელი დროზე უნდა გაკეთდეს”, – განაცხადა ნიშნიაძემ.
