"რუსთავი 2" არის მართლა დასახური ტელევიზია. წნევა ამეწია სერიოულად, საზიზღარ, ამაზრზენ, გულისამრევ ხალხთან ვცხოვრობთ" _ ასე იწყება ფეისბუქის მომხარებლის მარიამ შოშიაშვილის პოსტი, რომელშიც პროექტ "ნიჭიერის" ერთ-ერთ მონაწილეზე, ჟანა წითელაურზეა საუბარი.
როგორც ირკვევა მარიამი ჟანას მეზობელია და გოგონას შესახებ, რომელსაც "ნიჭიერის" ჟიურიმ დასცინა ბევრი რამ იცის:
_"ნიჭიერში" გამოვიდა ერთი გოგო, ჟანა წითელაური, ჩემი მეზობელი.
ამ გოგოს ყველაფერი დალაგებული ვერ აქვს. 15 თუ 16 წლის ასაკში დედა მოუკვდა ხელებში და ფსიქოლოგიურად ცოტა ვერ არის (არ ვაყენებ შეურაცხყოფას). საერთოდ არ აპირებდა ეს გოგო "ნიჭიერში" გასვლას. მგონი მე ჟანას ერთადერთი მეგობარი ვარ, არავისთან არ აქვს კონტაქტი. ცხოვრობს ბებიასთან ჩემი ფანჯრის პირდაპირ არსებულ სახლში, 75 წლის ბებიასთან ერთად. მშობლები გარდაეცვალა და ბებიასაც და შვილიშვილსაც ინახავს ბიძა, რომელიც ცხოვრობს და მუშაობს კიშინოვში. ამ ბიძასაც ყავს ცოლი და შვილები….
მოკლედ, ჟანას არც დაესიზმრებოდა "ნიჭიერში" მისვლა, რომ არა ერთი შემთხვევა: ერთხელ ბანკში იყვნენ მისული, გამოგზავნილი ფულის ასაღებად. ვიღაცამ დაინახა, შეატყო რომ ვერ იყო, რადგან იცვამს "უცნაურად" და დაუწყო მეო ნიჭიერის უფროსი ვარო და დარწმუნებული ვარ ნიჭიერი გოგო ხარ, ალბათ მღერი და ცეკვავო და წამოდი "ნიჭიერში" ჩაგწერთო… ესეც გაყვა ბებიასთან ერთად და მთელი ზაფხული დაყავდათ რაღაც ჩაწერებზე. აქეზებდნენ, ნიჭიერი ხარ, ულამაზესი ხარ, საუკეთესო ხარ… ამასაც სჯეროდა და იმედი ჰქონდა, რომ გაიმარჯვებდა.. მე, რა თქმა უნდა ვაფრთხილებდი, რომ არ გასულიყო, მაგრამ არ მიჯერებდა…
სიმღერებიც რაღაც სასწაულები შეურჩიეს; ჯერ იყო და ლელა წურწუმიაო, მერე ეს მაილი საირუსი…
ან რა ჩააცვეს, ან რა ათქმევინეს, ან რაზე შეახტუნეს?! და ეს ამაზრზენი ხალხი, ჟიური, (და ყველაზე მეტად გვარამიაზე მეშლება ნერვები), უტიფრად დასცინის ამ გოგოს !!!! ამაზრზენია უბრალოდ, გული მერევა მათზე… ჩვენ რომ გვგონია, რომ თვითონ მიდის ეს ხალხი ნიჭიერში, თურმე თვითონ მიყავთ, რომ შოუ ყურებადი იყოს!!! ეს ჟანასთვის, ხომ უფრო დიდი სტრესია?!
ყველას გთხოვთ, გაავრცელოთ, რომ ყველამ ნახოს და იცოდეს თუ რა ამარზენი, ყალბი და უჯიშო ხალხი მუშაობს "რუსთავი 2"–ში….
მე ნამდვილად გამეცინებოდა "ჟანას ნომერზე", რომ არ მცოდნოდა, ვინ არის, და რისი გამკეთებელიცაა!!!!!“ _ წერს მარიამი.
აღსანიშნავია, რომ მსგავს შემთხვევას გასულ წელსაც ჰქონდა ადგილი. ოზურგეთის მუნიციპალიტეტში მცხოვრები ერთ-ერთი გოგონა, რომელსაც ფსიქიური პრობლემები აქვს მთელი ქვეყნის დასაცინი გახდა, რამაც როგორც ამ გოგონას, ასევე მისი ოჯახის წევრებს ფსიქოლოგიური ზიანი მიაყენა. თუმცა, ამის გამო არც პროექტის ხელმძღვანელებს და არც ჟიურის წევრებს ბოდიში არ მოუხდიათ, მიუხედავად იმისა, რომ "გურია ნიუსმა" აღნიშნული ინფორმაცია, ოჯახის წევრების თანხმობით გაასაჯაროა.
"გურია ნიუსი" პროექტის ხელმძღვანელებთან დაკავშირებას შეეცადა, თუმცა უშედეგოდ.
