საქართველოს ცხრა მხარეში ქვეყნის აღმასრულებელი ხელისუფლების წარმომადგენელირწმუნებული-გუბერნატორია. მას თანამდებობაზე ნიშნავს და ათავისუფლებს პრემიერ-მინისტრი. გუბერნატორი საქართველოს მთავრობის დავალებით კოორდინაციას უწევს სხვადასხვა სახის ღონისძიებებს, მათ შორის რეგიონული პოლიტიკის განხორციელებას და ადგილობრივი თვითმმართველობის რეფორმის ცალკეულ კომპონენტებს. ის ასევე ახორციელებს სოციალურ-ეკონომიკური განვითარების პროგრამებს და მონაწილეობს რეგიონული განვითარების ღონისძიებებში.
"გურია ნიუსი" დაინტერესდა რა ქონებას ფლობენ რწმუნებულ-გუბერნატორები და რა არის მათი შემოსავლები. გთავაზობთ, კვლევის მეორე ნაწილს.
რაჭა-ლეჩხუმ-ქვემო სვანეთის სახელმწიფო რწმუნებული – გუბერნატორი პარმენ მარგველიძე
3 საცხოვრებელი სახლი, 3 მიწის ნაკვეთი, ბინა და ავტოფარეხი – რაჭა-ლეჩხუმ-ქვემო სვანეთის სახელმწიფო რწმუნებულ-გუბერნატორის პარმენ მარგველიძის ოჯახის ქონებაა. თუმცა, დეკლარაციის მიხედვით, ყველა უძრავი ქონება, მამის, გიორგი მარგველიძის საკუთრებაშია.
კერძოდ, ქალაქ ამბროლაურში, ვაჟა- ფშაველას ქუჩაზე (7 და 9 ნომრებში) მდებარე 200.00-200.00 კვ.მ-ის ფართობის საცხოვრებელი სახლები. ამავე მისამართებზე მდებარე 600 და 400 კვ.მ-ის ფართობის მიწის ნაკვეთები და 40.00 კვ.მ-ის ფართობის ავტოფარეხი.
ამბროლაურში, სოფელ სადმელში მდებარე 150.00 კვ.მ-ის ფართობის საცხოვრებელი სახლი და ამავე მისამართზე მდებარე 25000.00 კვ.მ -ის ფართობის მიწის ნაკვეთიც გიორგი მარგველიძის 100%-იან საკუთრებაშია;
პარმენ მარგველიძის მეუღლის, ფიქრია წვერავას მფლობელობაშია თბილისში, დიღმის მასივში მდებარე 60.00 კვ.მ-ის ფართობის ბინა.
რაც შეეხება ოჯახის ფინანსურ მდგომარეობას, დეკლარაციის შევსებისას, პარმენ მარგველიძის სახელფასო ანგარიშზე "ლიბერთი ბანკში" 29997.00 ლარი იყო; მისი მეუღლის, ფიქრია წვერავას ანგარიშზე "საქართველოს ბანკში" 13000.00 დოლარი.
დეკლარაციის მიხედვით, საქართველოს ადმინისტრაციულ–ტერიტორიულ ერთეულებში (ამბროლაურის, ლენტეხის, ონისა და ცაგერის მუნიციპალიტეტები) რწმუნებულ-გუბერნატორის თანამდებობიდან პარმენ მარგველიძეს ერთი წლის განმავლობაში 64900.00 ლარი აქვს აღებული.
მიმა მეუღლემ, ფიქრია წვერავამ კი, "ავერსი გეოფარმი" (ამბროლაური) აფთიაქის გამგის თანამდებობიდან 17152.00 ლარის შემოსავალი მიიღო.
დეკლარაციაში ასევე აღნიშნულია, რომ პარმენ მარგველიძის მამა, გიორგი მარგველიძე ინდმეწარმეა, საიდანაც შემოსავლის სახით ერთი წლის განმავლობაში 7000.00 ლარი აქვს აღებული.
რაც შეეხება ოჯახის შემოსვალ-გასავლებს, დეკლარაციის მიხედვით, გიორგი მარგველიძემ ავტომანქანის გაყიდვიდან 3500.00 დოლარის შემოსავალი მიიღო, თუმცა იგივე საფასურად მან ახალი ავტომობილი შეიძინა.
პარმენ მარგველიძემ შვილის, ხატია მარგველიძის სწავლის გადასახადისთვის 4300.00 ლარი გასცა. ბინის რემონტისთვის 5000.00 ლარის გასავალი ჰქონდა; ავტომობილის განბაჟება და რემონტი, 4000.00 ლარი დაუჯდა; ვაზის ნერგების შესყიდვისთვის კი, 2500.00 ლარი გადაიხადა.
სამეგრელო-ზემო სვანეთის სახელმწიფო რწმუნებული – გუბერნატორი ლევან შონია
გუბერნატორ ლევან შონიას საკუთრებაში უძრავ-მოძრავი ქონება არ არის. ამის შესახებ მის დეკლარაციაშია აღნიშნული.
ამავე დეკლარაციის მიხედვით, მას ერთი წლის განმავლობაში 91851.18 ლარის შემოსავალი აქვს მიღებული. კერძოდ, საქართველოს შინაგან საქმეთა სამინისტროს სამეგრელო-ზემო სვანეთის სამხარეო მთავარი სამმართველო მთავარი სამმართველოს უფროსის თანამდებობიდან მა 90108.00 ლარი მიიღო; საქართველოს ადმინისტრაციულ- ტერიტორიულ ერთეულებში (აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის მუნიციპალიტეტები და ქალაქი ფოთი) სახელმწიფო რწმუნებულის- გუბერნატორის თანამდებობიდან კი, 1743.18 ლარი.
დეკლარაციის შევსებისას, ლევან შონიას მიმდინარე ანგარიშზე "საქართველოს ბანკში" 25949.91 ლარი და 1238.00 დოლარი იყო;
ქონებრივ დეკლარაციაში ასევე აღნიშნულია, რომ ლევან შონიამ პოლიციის დღესთან დაკავშირებით საჩუქრად საქართველოს შინაგან საქმეთა სამინისტროსგან 2500.00 ლარის ღირებულების პისტოლეტი "გლოკ-21" (სამსახურებრივი) მიიღო.
იმერეთის სახელმწიფო რწმუნებული –გუბერნატორი გივი ჭიჭინაძე
5 ბინა, საცხოვრებელი სახლი და მიწის ნაკვეთი – გუბერნატორ გივი ჭიჭინაძის ოჯახის საკუთრებაა.
როგორც მის ქონებრივ დეკლარაციაშია აღნიშნული, გივი ჭიჭინაძის 100%-იან საკუთრებაშია თბილისში, ვაჟა-ფშაველას გამზირიზე მდებარე 57.00 კვ.მ-ის ფართობის; თბილისში, ალექსანდრე ყაზბეგის 34-ში მდებარე 150.00 კვ.მ-ისა და ადიგენის რაიონის დაბა აბასთუმანში, რუსთაველის ქუჩაზე მდებარე 30.00 კვ.მ-ის ფართობის ბინები და ამავე მისამართზე მდებარე 227.00 კვ.მ-ის მიწის ნაკვეთი. ასევე, ჭიჭინაძე ფლობს საცხოვრებელი სახლის 50%-იან წილს ამბროლაურის რაიონის სოფელ ქვემო თლუღში, რომლის ფართობიც 160.00 კვ.მ-ია (წილის 50%-ის მესაკუთრედ დეკლარაციაში ირაკლი ჩლაიძეა მითითებული).
რაც შეეხება ჭიჭინაძის მეუღლეს, მაია სოხაძე ჭიჭინაძეს, მის 100%-იან საკუთრებაშია თბილისში, ვაჟა-ფშაველას 45 ნომერში მდებარე 54.00 კვ.მ-ის ფართობისა და თბილისში, ვაჟა-ფშაველას გამზირზე მდებარე 30.00 კვ.მ-ის ფართობის ბინები.
დეკლარაციაში ასევე აღნიშნულია, რომ გივი ჭიჭინაძე ფლობს ავტომისაბმელ grand vitara-ს რომლის ღირებულებაც 10 000 ლარს აღემატება.
რაც შეეხება ოჯახის შემოსავლებს, ქონებრივი დეკლარაციის მიხედვით, გივი ჭიჭინაძემ ვაკის რაიონის გამგებლის თანამდებობიდან 25480.00 ლარის სემოსავალი აქვს მიღებული, რწმუნებულ-გუბერნატორის თანამდებობიდან მიღებული შემოსავლები კი, დეკლარაციაში ჯერჯერობით აღნიშნული არ არის, რადგან თანამდებობის დაკავებიდან ერთი წელი არ გასულა.
დეკლარაციის შევსებისას მის საბანკო ანგარიშებზე თანხები რ იყო.
გურიის სახელმწიფო რწმუნებული – გუბერნატორი გია სალუქვაძე
2 ბინა, ორი მიწის ნაკვეთი და აგარაკი – გურიის გუბერნატორის ოჯახის უძრავი ქონებაა. ამის შესახებ გია სალუქვაძის ქონებრივ დეკლარაციაშია აღნიშნული,
კერძოდ, გია სალუქვაძის საკუთრებაშია თბილისში მდებარე ორი ბინა – ვაჟა-ფშაველას 70-ნომერში 134.00 კვ.მ-ის ფართობისა და ვაჟა-ფშაველას მე-6 კვარტალში 114.00 კვ.მ-ის ფართობის ბინები.
რაც შეეხება აგარაკსა და ორ მიწის ნაკვეთს, დეკლარაციის მიხედვით, ისინი სალუქვაძის მეუღლის, ქეთევან სალუქვაძის 100%-იან საკუთრებაშია.
კერძოდ, ჩოხატაურის რაიონში, ბახმაროში 104.00 კვ.მ-ის ფართობის აგარაკი; ოზურგეთის რაიონში, კაპროვანში, 300.00 კვ.მ-ის ფართობისა და ჩოხატაურში, ბახმაროში, 100.00 კვ.მ-ის ფართობის მიწის ნაკვეთები.
გია სალუქვაძის 100%-იან საკუთრებაშია, ასევე, 2006 წელს გამოშვებული მსუბუქი ავტომანქანა Mercedes GL 450.
რაც შეეხება ოჯახის ფინანსურ მდგომარეობას, დეკლარაციის შევსებისას, სალუქვაძეების ოჯახის საბანკო ანგარიშებზე საერთო ჯამში 9892. 59 ლარი იყო.
კერძოდ, გია სალუქვაძის "ვი–თი–ბი ბანკის" სახელფასო ანგარიშზე 500.00 ლარი ირიცხებოდა; "ლიბერთი ბანკის" მიმდინარე ანგარიშზე -7.00 ლარი.
მეუღლეს, ქეთევან სალუქვაძეს "ლიბერთი ბანკის" მიმდინარე ანგარიშზე 3372.05 ლარი ჰქონდა;
შვილების, რევაზ სალუქვაძის ანაბარზე "პროკრედიტ ბანკში" 1617.84 ლარი; გიორგი სალუქვაძის ანაბარზე ამავე ბანკში 1529.99 ლარი; ლუკა სალუქვაძის ანაბარზე კი – 2865.71 ლარი.
რაც შეეხება ოჯახის შემოსავლებს, დეკლარაციის მიხედვით, გია სალუქვაძემ სააქციო საზოგადოება "გესსაქრუსენერგოს" გენერალური დირექტორის მრჩევლის თანამდებობიდან 34500.00 ლარი აქვს აღებული. დეკლარაციაში მითითებული არ არის, რა ოდენობის შემოსავალი აქვს მიღებული სალუქვაძეს რწმუნებულ-გუბერნატორის თანამდებობიდან, რადგან თანამდებობის დაკავებიდან ერთი წელი გასული არ არის.
ამავე თემაზე:
