დღეს, 10 საათიდან განახლდა დაკითხვის პროცესი ოზურგეთის მუნიციპალიტეტის ადმინისტრაციულ შენობაში. ჩვენი ინფორმაციით, დღეს დაკითხვაზე დაბარებულია “თავისუფალი დემოკრატების” ოთხი წევრი და ერთი აქტივისტი: ტიტე მგელაძე, მცხოვრები სოფელ ძიმითში. ჯუმბერ ქურცუა, სოფელ შრომის მკვიდრი, ფურუზ ირემაძე მცხოვრები დაბა ნასაკირალში, ვაჟა ვანაძე, მცხოვრები დაბა ნასაკირალში და აქტივისტი სოფელ ჯუმათის მკვიდრი ირმა ტაკიძე. ასევე უწყება მიუვიდათ და დღეს დაკითხვაზე დაბარებული არიან “რესპუბლიკური პარტიის” აქტივისტები და წევრები: იამზე ჭელიძე, უპარტიო, მცხოვრები სოფელ ბახვში, შვილი ჰყავს “რესპუბლიკური პარტიის” წევრი. სოსო წიტაიშვილი, პარტიის წევრი, მცხოვრები ქალაქ ოზურგეთში. გია ომიაძე, უპარტიო, მცხოვრები სოფელ ხვარბეთში. ამ წუთებში კვლავ შეზღუდულია ადმინისტრაციულ შენობაში ჟურნალისტებისა და დაინტერესებული პირების თავისუფლად გადაადგილება. დაკითხვის მოლოდინში მყოფი მოქალაქეები, აღნიშნული შენობის მიმდებარე ტერიტორიაზე იმყოფებიან. ოზურგეთის მუნიციპალიტეტის ადმინისტრაციულ შენობაში, კონტროლის პალატის წარმომადგენლებმა კახა საჯაიამ და გიგა ჩანქსელიანმა 12 მოქალაქეს გუშინ ჩამოართვეს ახსნა-განმარტება. დაკითხვის პროცესი დილის ათი საათიდან საღამოს 8 საათამდე გაგრძელდა.
