ზაალ უდუმაშვილი გენერალური დირექტორის მოვალეობის შესრულებაზე უარს აცხადებს და კომპანიის დროებით მმართველებს მოუწოდებს შეასრულონ საკუთარი უფლება-მოვალეობები:
"სიურპრიზები ხელისუფლების მხრიდან არ მთავრდება. ერთი საათის წინ ჩვენ სრული აფსურდი მოვისმინეთ იმ ე.წ. დორებითი მმართველებისგან, რომელი ურთმელიძემ დაუნიშნა რუსთავი2-ს. პირველ რიგში მაინტერესებს კონფიდენციალური საუბრები გახდა საჯარო განხილვების საგანი.
დიახ ,მე ვადასტურებ, რომ ორი დღის წინ დავით დვალს მისივე დაჟინებული თხოვნით შევხვდი. 2 საათის განმავლობაში ვსაუბრობდით. მე გავაცანი ის პოზიცია რაც ჩვენ გვაქვს თუ რატომ არ იზიარებდა კომპანია იმ პროცესს, რომელიც მის წინააღმდეგ მიმდინარეობს.
მე კარგად ავუხსენი მას, რომ ეს იყო ხელისუფლების წარმოებული ბრძოლა და ის იყო ხელისუფლების იარაღი.
მას ჰქონდა თავის პოზიცია. ჩვენ ვერ შევჯერდით. ჩემგან დავით დვალს არ მიუღია თანხობა და ამით დავშორდით.
ძალიან მაინტერესებს, როგორ გატარდა საჯარო რეესტრში იმ ვალდებულების დოკუმენტი, რომელიც მე დამაკისრა საყვარელიშვილმა და დვალმა ისე, რომ ჩემი ხელმოწერა არ ყოფილიყო ზედ. ჩემი თანხმობისა და ხელმოწერის გარეშე ამ დოკუმენტის გატარება არ შეიძლებოდა და შესაბამისად ეს დოკუემენტი უკანონოა.
მე ვარ რუსთავი2-ის გენერალური დირექტორის პირველი მოადგილე. მე არ ვარ გამოცდილებით ფინანსისტი და ამ ვალდებულებას მე ვერ ავიღებ ამ ვალდებულებას. 3 დღით ადრე რომ მოუნდათ ჩემზე გადმოეკისრებინათ ის ვლადებულებები რაც კომპანიას აქვს გასასტუმრებელი გასაგებია რაზეც მიუნიშნებს. მათ სურთ კომპანია შეიყვანონ ჩიხში _ ამას ვერ მოესწრებით!
მე ამ ვალდებულებებს ვერ ვიღებ, ვინაიდან ის უკანონოა. თქვენ, ბატონებო, ყველანაირი ვალდებულება ურთმელიძისგან გაქვთ აღებული. მოსამართლის გადწყვეტილებას თავადაც არ ეთანხმებით. თქვენ გაქვთ ყველანაირი უფლება შეგიძლიათ დისტანციურად შეასრულოთ თქვენი მოვალეობები და ის ფინანსური ვალდებულებები რაც კომპანიას გააჩნია დისტანციურად მართოთ რადგან თქვენ გააგაჩნიათ წვდომა ბუღალტერიასთან.
კეთილი ინებეთ და შეასრულეთ თქვენი უფლება მოვალეობები,"– განაცხადა ზაალ უდუმაშვილმა რამდენიმე წუთის წინ გამართულ სპეციალურ ბრიფინგზე.
