ამბერ ლე ბონი
ამბერი ჯგუფ "დიურან დიურანის" ლიდერის, საიმონ ლე ბონის და ცნობილი მოდელის, იასმინ ლე ბონის ქალიშვილია, რომელიც დედის კვალს გაჰყვა და პოდიუმზე ადრეულ ასაკში შედგა ფეხი. ამბერი ცნობილ ბრენდებთან – "მოშინოსა"და "რივერ აილანდთან" თანამშრომლობს. გარდა ამისა, იგი შამპუნ "პანტენის" ერთ-ერთი სარეკლამო სახეა. პოდიუმისკენ ლტოლვის გარდა, ამბერს მამის ნიჭიც გამოჰყვა და იგი პროფესიონალურ დონეზე უკრავს პიანინოზე.
ინდია უოტერსი
ინდია როკ-ვარსკვლავი როჯერ უოტერსის ქალიშვილია. ინდია ცნობილი მოდელია, რომელიც სხვადასხვა დროს – "დე ბეერსთან", "ფროსტ ფრენჩთან", "მონსოონთან" და "ვოგთან" თანამშრომლობდა. ფერწერით და პოეზიით გატაცებულ ინდიას, მამის, როჯერ უოტერსის 1987 წელს გამოსულ სოლოალბომის შექმნაში აქვს მონაწილეობა მიღებული. იმ დროს იგი, სულ რაღაც, 9 წლის იყო, თუმცა მისი ვოკალური მონაცემები როჯერმა მაინც გამოიყენა რიგი კომპოზიციების ჩაწერისას.
კიმბერლი სტიუარტი
კიმბერლის მამა განთქმული ბრიტანელი მომღერალი როდ სტიუარტია. 19 წლის ასაკში კიმბერლიმ დიზაინერის კარიერა დაიწყო, მოგვიანებით კი, ძალები კინოში და სამოდელო სფეროში მოსინჯა. კიმბერლი ცნობილი ფოტომოდელია, რომელიც სხვადასხვა დროს – "ტომი ჰილფიგერთან," "მაქსმარასთან", "ვენიტი ფეირთან", "ვოგის" ამერიკულ და ევროპულ გამოცემებთან თანამშრომლობდა.
როზანა დევისონი
როზანა დევისონი მუსიკოს კრის დე ბურგის ქალიშვილი და 2003 წლის "მის მსოფლიოს" კონკურსის გამარჯვებულია. პრესტიჟულ კონკურსზე როზანა ირლანდიის სახელით გამოვიდა და სამშობლოს "მსოფლიო მისის" ტიტული მოუპოვა. სხვათა შორის, როზანა სახელოვანი მამის კვალს არ გაჰყოლია და დუბლინის სამედიცინო უნივერსიტეტში თერაპევტის სპეციალობას სწავლობდა.
ლიზა ჯაგერი
გვარიდან გამომდინარე, ალბათ რთული მისახვედრი არ არის, თუ ვისი შვილია ლიზა. "როლინგ სთოუნზის" ლეგენდარული ვოკალისტის მიკ ჯაგერის ქალიშვილი ცნობილია როგორც მოდელი, რომელმაც კარიერა "მარკს ენდ სპენსერის" ბრენდის რეკლამირებით დაიწყო. სხვადასხვა დროს იგი "ლანკომეს" და "ტომი ჰილფიგერის" სარეკლამო სახეც იყო.
