"ისლამური სახელმწიფოს" მებრძოლები მორიგ ვიდეოს ავრცელებენ, სადაც პარიზის მსგავსი ტერაქტით ვაშინგტონსა და ევროპას ემუქრებიან. აღნიშნულ ინფორმაციას THE WASHINGTONPOST ავრცელებს.
როგორც ცნობილია, ვიდეო ექვს წუთს გრძელდება და მასში საინფორმაციო კლიპების სახით შემდგომი თავდასხმის ადგილებია ასახული. შემდეგ კი ვიდეოში საუბრობს კაცი, რომელიც "ჯვაროსანთა ერების კოალიციას", განსაკუთრებით კი ვაშინგტონს ემუქრება.
"ჩვენ ვამბობთ, რომ ჯვაროსანთა წევრ ქვეყნებს, დაუდგებათ ისეთივე დღე როგორიც საფრანგეთს უდგას. ღვთის ნებით, ჩვენ იერიში მივიტანეთ საფრანგეთის ცენტრში, პარიზის მაცხოვრებლებზე. ჩვენ ვდებთ ფიცს, რომ მსგავსი დღე ელოდებათ ამერიკაში, ვაშინგტონის მცხოვრებლებს, "_აღნიშნულია ვიდეოში.
მიმართვაში აღნიშნულია, რომ მსგავსი ტიპის თავდასხმებს ევროპის ქვეყნებიც უნდა ელოდნონ.
"ვეუბნები ევროპის ქვეყნებს, რომ დაგველოდნონ. ჩვენ მოვდივართ ასაფეთქებელი ნივთიერებებითა და მაყუჩიანი იარაღით, ხოლო თქვენ ვერ შეძლებთ ჩვენს შეჩერებას, რადგან დღეს, უფრო ძლიერები ვართ, ვიდრე ადრე ვიყავით,"_ განაცხადა "ისლამური სახელმწიფოს" მებრძოლმა.
