ALDE-ს ჯგუფის ხელმძღვანელმა, გაი ვერჰოსთადთმა ევროკავშირის პოლიტიკის აგიტაციისთვის სერგეი მაგნისტიკის სახელობის ჯილდო მიიღო. აღნიშნული ინფორმაცია ALDE-ს გვერდზე ვრცელდება.
გავრცელებული ინფორმაციით, აღნიშნული ჯილდო საერთაშორისო პოლიტიკოსებს, ჟურნალისტებს და სამოქალაქო საზოგადოების იმ აქტივისტებს გადაეცემათ, ვინც სერგეი მაგნისტიკის მსგავსი სულისკვეთებით მუშაობს.
როგორც ცნობილია, დაჯილდოების ცერემონია ლონდონში გუშინ ღამით გაიმართა.
გაი ვერჰოფსთადთმა პირობა დადო, რომ პოლიტიკური პატიმრების საქმეებზე მონიტორინგს გააგრძელებს.
"ჩვენ დღეს სერგეის მკვლელობიდან 6 წლისთავს ვიხსენებთ. სერგეიმ თავისი ცხოვრება თავის ქვეყანაში კანონის უზენაესობის დამრღვევებისა და მასობრივი გამყალბებლების გამოვლენას შესწირა. სამწუხაროდ, ექვსი წლის შემდეგ სერგეის მკვლელობიდან, რუსეთი მეგობარი ქვეყნებისთვის კვლავ კაპიტალიზმის სისტემას აგრძელებს. გამდიდრებისა და დაუსჯელობის სისტემა მცირედით ეხმარება მათ, ვინც ცდილობს ავტორიტარული მმართველობა შეინარჩუნოს," _ განაცხადა გაი ვერჰოფსთადთმა.
როგორც მან აღნიშნა, საზოგადოებამ ბორის ნემცოვის მკვლელობაც არ უნდა დაივიწყოს.
"ჩვენ უნდა გავაგრძელოთ მონიტორინგი სხვა მამაცი ხალხის დაპატიმრების შემთხვევებზე, როგორი პატიმარიცაა ოლეგ ნავალნი, რომელიც მხოლოდ იმიტომ დააპატიმრეს, რომ მისი ძმა პუტინის პოლიტიკური ოპონენტია. ის უარყოფს საბაზისო სამედიცინო დახმარებას, ამიტომ საერთაშორისო თანამეგობრობა არასოდეს დაივიწყებს მის ბრძოლას, ისევე როგორც არასოდეს არ უნდა დაავიწყდეს ბორის ნემცოვის მკვლელობა," _ განაცხადა გაი ვერჰოფსთადთმა.
ის ასევე პარიზში მომხდარ ტრაგედიას გამოეხმაურა.
"პარიზში მომხდარმა საშინელმა თავდასხმებმა აჩვენა, რომ საერთაშორისო საზოგადოება ერთად უნდა დავდგეთ და ერთობლივი სამხედრო სტრატეგიით უნდა დავამარცხოთ ჯიჰადიზმი, გარდა ამისა, მშვიდობიანი პოლიტიკური მოლაპარაკების გზით სირია დემოკრატიულ სახელმწიფოდ უნდა ვაქციოთ. რუსეთი მნიშვნელოვანი პარტნიორია. თუმცა, რამდენადაც გვჭირდება პუტინთან თანამშრომლობა, არ უნდა დაგვავიწყდეს რუსი ხალხი, რომლებსაც აქვს უფლება იცხოვრონ დემოკრატიულ სახელმწიფოში, სადაც მათი უფლებები დაცული იქნება," _ განაცხადა მან.
