ვაკის რაიონის ახალი გამგებლის ნოდარ ტურძელაძის ქონებრივი დეკლარაციის მიხედვით, მის საკუთრებაშია ბინა თბილისში, ნუცუბიძის ქუჩაზე, მდებარე 80 კვ.მ-ის ფართობის ბინა და 2002 წელს გამოშვებული მსუბუქი ავტომანქანა volkswagen passat-ი.
რაც შეეხება მის ფინანსურ მდგომარეობას, დეკლარაციის შევსებისას ტურძელაძის საკრედიტო ანგარიშზე საქართველოს ბანკში 328.00 ლარი; "ტაოპრივატ ბანკის" საკრედიტო ანგარიშზე 2000.00 ლარი (დებეტი(-); "ლიბერთი ბანკის" სახელფასო (ოვერდრაფტი) ანგარიშზე კი, 582.00 ლარი იყო.
დეკლარაციის მიხედვით, ტურძელაძის შემოსავალი ერთი წლის განმავლობაში 44 958 ლარი იყო. კერძოდ, ტურძელაძემ სს გაერთიანებული ენერგეტიკული სისტემის საქრუსენერგოს ლოჯისტიკისა და ტრანსპორტის სამსახურის უფროსის მოადგილის თანამდებობიდან 32813.00 ლარი აიღო; ქალაქ თბილისის მუნიციპალიტეტის მერიის ზედამხედველობის საქალაქო სამსახური უფროსის მოადგილის თანამდებობიდან კი – 12145.00 ლარის შემოსავალი აქვს მიღებული.
ქონებრივი დეკლარაციის თანახმად, ტურძელაძის სახელზე 62 000.00-დოლარიანი იპოთეკური სესხია, რომელიც მან 2013 წელს აიღო (ხელშეკრულების ვადის დასრულება 07/06/2018), რის გამოც, გასულ წელს მას 15 764.00-დოლარის პროცენტი აქვს გადახდილი.
დეკლარაციის მიხედვით, ნოდარ ტურძელაძეს ჰყავს მეუღლე – თამარ აბზიანიძე და ერთი შვილი ნიტა ტურძელაძე.
შეგახსენებთ, რომ თბილისის მერმა დავით ნარმანიამ ვაკის რაიონის გამგებლად ნოდარ ტურძელაძე დღეს წარადგინა.
მისი თქმით, ტურძელაძე აქამდე თბილისის მერიის ზედამხედველობის სამსახურის უფროსის მოადგილის თანამდებობას იკავებდა.
