ცნობილი ტურისტული და სამოგზაურო ინტერნეტსაიტის National Geographic-ის მკითხველებმა მონაწილეობა მიიღეს გამოკითხვაში, რომელიც 27 ივნისიდან 10 ნოემბრამდე პერიოდს მოიცავდა. გამოიკითხა 240 ათასი რესპოდენტი. გამოკითხვა მოიცავდა 18 ნომინაციას.
ნომინაციაში "საუკეთესო პლაჟის დასვენება" გაიმარჯვა ტაილანდმა, რომელსაც გამოკითხულთა 14% დაუჭირა მხარი, მეორე ადგილზე 12% გავიდა ესპანეთი, მესამე ადგილი მიაკუთვნეს ფილიპინებს 10%.
ნომინაციაში "საუკეთესო ოჯახური დასვენება" მომხმარებლებმა პირველი ადგილი ხორვატიას მიაკუთვნეს, მეორეზე გავიდა ჩვენი რეგიონის სახელმწიფო- ბულგარეთი, ხოლო მესამეზე – კვიპროსი აღმოჩნდა.
საექსკურსიო ტურებისთვის საუკეთესო მიმართულებების მხრივ ყველაზე მოთხოვნადი ქვეყანა ყოფილა ჩინეთი, მეორე და მესამე ადგილები კი თურქეთმა და სერბეთმა გაინაწილეს.
აღმოჩნდა რომ სამთო-სათხილამურო დასვენებისთვის ყველაზე მეტი ტურისტი შვეიცარიას აკითხავს, მეორეზეა ავსტრია, მესამე ადგილი დამსახურებულად მიაკუთვნეს ნორვეგიას.
ეკოლოგიური დასვენებისთვის საუკეთესო ქვეყანა ყოფილა მალაიზია, მეორე და მესამე ადგილები კი ტურისტებმა პორტუგალიას და ნამიბიას მიაკუთვნეს.
ნომინაციაში "აგროტურიზმი" იტალიამ გაიმარჯვა, მას მოჰყვებიან ბელორუსია და სლოვაკეთი.
ყველაზე საინტერესო ადგილი თავგადასავლებისთვის აღმოჩნდა ახალი ზელანდია, მეორეზე გავიდა ბრაზილია, ხოლო მესამეზე -ესპანეთი.
"წლის აღმოჩენა" ტურისტების მოსაზრებით ჩვენი მეზობელი აზერბაიჯანი გახდა, რომელსაც გამოკითხულთა 19% მისცა ხმა. მეორე ადგილი ბახრეინს მიაკუთვნეს, რომელსაც 17% მიიღო.
გამოკითხვაში ცალკე ნომინაცია ქონდა მიკუთვნებული გამაჯანსაღებელ დასვენებას და ტურიზმს. სამხრეთ კორეა ლიდერი აღმოჩნდა ამ მხრივ, მეორე და მესამე ადგილები კი ინდოეთმა და ისრაელმა გაინაწილეს.
ეგზოტიკური ტურიზმის სფეროს ლიდერი ქვეყნები აღმოჩნდნენ ეთიოპია, ვიეტნამი და სამხრეთ აფრიკის რესპუბლიკა.
ალბათ ჩვენი მკითხველისთვის მოულოდნელი არ იქნება ის ფაქტი, რომ გასტრონომიულ ტურიზმში ლიდერობს საფრანგეთი, გამოკითხულ ტურისტთა 18% ხმა საქართველოს მისცა, რომელიც მეორე პოზიციაზე გავიდა, ხოლო მესამე ადგილი მექსიკას მიაკუთვნეს.
