შაბათს ღამით, უკრაინიდან ყირიმის მიმართულებით დენის გადამცემი ხაზები დაზიანდა, რის გამოც ყირიმს ელექტროენერგია არ მიეწოდება. აღნიშნულ ინფორმაციას BBC ავრცელებს.
გავრცელებული ინფორმაციით, ელექტრო გადამცემ ოთხ ბოძზე კაბელი გადაჭრილია,რის გამოც რეგიონის 2 მილიონი მაცხოვრებელი უშუქოდაა დარჩენილი.
სხვადასხვა სოციალურ ქსელში გავრცელებული ვიდეოკადრებზე კი ჩანს,რომ დაზიანებულ ადგილებში უკრაინის დროშებია დამაგრებული.
როგორც ცნობილია, გასულ წელს რუსეთმა ყირიმის ანექსია მოახდინა, მაგრამ უკრაინის ხელისუფლებას ტერიტორიისთვის ელექტროენერგიის მიწოდება არ შეუწყვეტია.
ყირიმის ხელისუფლების განცხადებით, მათ სიმფეროპოლში, იალტსა და საკში გენერატორების გამოყენებით ელექტროენერგიის მიწოდება ნაწილობრივ აღადგინეს.
ყირიმის პერმიერ-მინისტრის, მიხეილ შერემეტის თქმით, საავადმყოფოებს სარეზერვო დენის წყაროები აქვთ,რომლებიც არ დაზიანებულა.
მაუწყებლის ინფორმაციით, ყირიმის საგანგებო სიტუაციათა სამინისტომ საგანგებო მდგომარეობა გამოაცხადა და სამაშველო გუნდები სრულ მზადყოფნაში არიან.
„ელექტრო გადამცემი ხაზების დაზიანება დაბომბვის ან ასაფეთქებელი ნივთიერების გამოყენებამ გამოიწვია,“_ აცხადებენ უკრაინის სახელმწიფოს ენერეგეტიკულ კომპანია UKENERGO-ში.
